Azərbaycan, Bakı, 15 iyul/ Trend , müxbir Ü.İsmayılova/ Azərbaycanın Auditorlar Palatası korporativ və dövlət sektorunda beynəlxalq mühasibat standartlarının tətbiqi üzrə Dünya Bankının layihəsi çərçivəsində işlərin görülməsi üçün $1 mln.-dan çox vəsait alacaq. Bu barədə çərşənbə axşamı Palata rəhbərinin elmi məsələlər üzrə məsləhətçisi Nəcəf Talıbov məlumat verib.
Palata dəyəri $24-25 mln. təşkil edən CAP/SAP layihəsinin ümumi dəyərinin beş faizinədək hissəsini alacaq.
Azərbaycan hökuməti və Dünya Bankının korporavit və dövlət sektorunda mühasibat üzrə layihəsi ölkədə beynəlxalq maliyyə hesabatlılığı standartlarına (İFRS) müvafiq milli standartların tətbiqinə yönəlib. Ölkədə İFRS-ə keçid dövlət sektoru üçün yanvarın 1-dən başlayıb.
Dünya Bankının layihə üçün ayırdığı kreditin həcmi $11 mln. təşkil edir. Kredit Beynəlxalq İnkişaf Assosiasiyası (İDA) standartları üzrə ayrılıb. Qalan vəsaitləri Azərbaycan hökuməti təqdim edəcək.
Azərbaycan ölkənin kommersiya sektoru üçün 28 milli standart hazırlayıb. Dünyada maliyyə hesabatlılığı və auditin 35 standartı mövcuddur.
Müəlliflə əlaqə saxlamaq üçün elektron ünvan: [email protected]
