Azərbaycan, Gəncə, 19 iyul/ Trend , müxbir V.Məmmədov/ Yanvar-iyunda Gəncədə tikinti materiallarının qiyməti nəzərəçarpacaq dərəcədə artıb. Bu barədə şənbə günü Gəncə şəhər Statistika İdarəsinin şöbə müdiri Nəbi Baxşəliyev Trend -ın regional müxbirinə məlumat verib.
Onun sözlərinə görə, ilin əvvəlində Gəncə bazarında satılan sementin qiyməti orta hesabla 8.40 manat olsa da, hazırda bu rəqəm 12 manat təşkil edir. Mişar daşının qiyməti isə 66 qəpikdən 1.10 manata qalxıb. Ağac materiallarının bir kubu isə hazırda bazarda 280 manata satılır. İlin əvvəlində isə bu qiymət 270 manat olub. Armaturun qimyti isə 50 qəpik artaraq 1.80 manata çatıb.