Azərbaycan, Bakı, 29 iyul/ Trend , müxbir Ü.İsmayılova/ İyunda Bakıda bir kvadrat metr qeyri-yaşayış obyektinin qiyməti may ayına nisbətən 0,1 faiz - $3605-dək artıb. Bu barədə çərşənbə axşamı "Əmlak Bazarı İştirakçıları" İctimai Birliyindən məlumat veriblər. İlin əvvəlindən Bakıda qeyri-yaşayış obyektlərinin qiyməti 30,1 faiz, 2007-ci ilin analoji dövrünə nisbətən isə 31,3 faiz artıb.
İyunda kommersiya obyektlərinin icarə qiymətləri maya nisbətən 0,2 faiz azalıb.
Ay ərzində kommersiya obyektlərinin bazara təklifi 2,2 faiz azalıb ki, bu da mövsümi dövrün başlaması ilə əlaqədardır. Obyektlərin alqı-satqısı üzrə əməliyyatların sayı 3,7 faiz azalıb.
Ümumi cədvəl iyunda Bakıda şəhərin zonaları üzrə qeyri-yaşayış obyektlərinin qiymətlərinin artmasını göstərir:
| Şəhərin zonası | Bir kvadrat metrinə görə qiymət $ | Ay ərzində artım faizlə |
| I | 5554 | -0,4 |
| II | 3727 | 0,1 |
| III | 2478 | 0,5 |
| IV | 1235 | 1,3 |
Müəlliflə əlaqə saxlamaq üçün elektron ünvan: [email protected]
