Koreya ÜTT-yə daxil olmasında Azərbaycana yardımı davam etdirəcək
Azərbaycan, Bakı, 04 avqust / Trend , müxbir İ.Xəlilova/Koreya İnkişaf İnstitutu (Korean Development Institute) Azərbaycan hökumətinə Ümumdünya Ticarət Təşkilatına (ÜTT) daxil olma prosesində texniki yardımın göstərilməsini yenidən başlamağa hazırdır - bazar ertəsi xarici işlər nazirinin müavini, danışıqlar qrupunun rəhbəri Mahmud Məmmədquliyev deyib.
"Yardım danışıqlar prosesinin müxtəlif istiqamətlərində davam edə bilər", - o qeyd edib.
Koreyalı mütəxəssislər azərbaycanlı ekspertlər üçün ÜTT çərçivəsində müxtəlif mövzular üzrə seminarlar keçiriblər. Sonuncu seminar iyulun 29-da keçirilib və onun gedişində ÜTT-nin tələblərinə cavab verən daxili bazarın qorunamsı sisteminin yaradılması, inkişaf etməkdə olan ölkənin ÜTT-də statusu, ixraca həvəsləndirmə starategiyası və sənayenin diversifikasiyası, xidmətlər üzrə danışıqlarda
mövcud olan sektor problemləri haqqında danışılıb.
Məmmədquliyevin sözlərinə görə, hazırda ölkə texniki yardımı yalnız ABŞ-ın beynəlxalq inkişaf Agentliyi (USAID) və İsveçrənin iqtisadi məsələlər üzrə Dövlət Katibliyinin (Seco) xətti ilə alır. ABŞ hökuməti Azərbaycanın qununvericiliyinin ÜTT-in tələblərinə uyğun unifikasiyası üzrə texniki yardım layihəsini həyata keçirir.
2008-ci ilin sonunadək Azərbaycan qanunvericiliyin təkmilləşdirilməsi üzrə mövcud normativ-hüquqi aktlara 40 yeni qanunvericilik aktının işlənməsini və dəyişiklikəri nəzərdə tutan tədbirləri başa çatdırmalıdır. Nazir müavini hesab edir ki, bu müddət ərzində işi başa çatdırmaq mümkündür və bu istiqamətdə iş fəallaşıb.
ABŞ üç ildir ki, Azərbaycana ÜTT-yə daxil olma üzrə sənədlərin hazırlanmasında və ümumilikdə məsləhətlərin verilməsində texniki yardım edir. Yardım ABŞ-ın Ticarət və İnkişaf Agentliyi (TDA) vasitəsilə təqdim edilib.
Seco layihəsi çərçivəsində müəlliflik və istehsalat mülkiyyətini (patentləri, ticarət markalarını) əhatə edən, intellektual mülkiyyət hüququnun təmin edilməsi və ona riayət olunmasını nəzərdə tutulur. İkincisi, bu sahədə sərhəddə kontrafakt məhsulları aşkarlama və məsuliyyətə cəlb edilmə üzrə milli qanunvericilikdə ÜTT-nin tələblərinə və beynəlxalq praktikaya uyğun prosedurların tətbiqi nəzərdə tutulub. Hüquqların müdafiəsi üçün Cinayət Məcəlləsinə və Mülki Məcəlləyə dəyişikliklər tələb olunur. İsveçrənin texniki yardımı iki ilə hesablanıb.
Avqustun 4-nə rəsmi valyuta məzənnəsi 0,809 AZN/USD-dır.
