Azərbaycan, Bakı, 19 avqust / Trend / "Bank Respublika" 40000-ci plastik kartının buraxılışını qeyd edib. 40000-ci kartın sahibi bankın Nərimanov filialının müştərisidir və bu münasibətlə o, bankdan fəxri şəhadətnamə və hədiyyə alacaqdır.
"Bank Respublika" müştərilərə MasterCard və VISA plastik kartlarını pulsuz və illik xidmət haqqı olmadan təklif edir. "Bank Respublika" kartlar üzrə sadəcə iş yerindən arayış əsasında girovsuz və zaminsiz 200-dən 5000-dək AZN / USD / EUR məbləğində 45 günədək faizsiz kredit xətti almaq imkanı da verir. Bank həmçinin kartlar üzrə MobilBank, Home-Banking, Card-to-Card və sair əlavə xidmətlər də göstərir.
"Bank Respublika"nın kartlarının sahibləri Azərbaycanın müxtəlif satış-xidmət müəssisələrində mal və xidmətlərə endirimlərdən də istifadə edə bilər. Bu satış-xidmət müəssisələri və endirimlər haqqında ətraflı "Bank Respublika"nın İnternet saytının http://www.bankrespublika.az/?mod=inside səhifəsində tanış olmaq olar.
"Bank Respublika" plastik kart müştərilərinə bu il ərzində yeni məhsullar, xidmətlər və əlavə imkanlar təklif edib:
İlk Kart plastik kartları - "Bank Respublika"dan Azərbaycanda 7-17 yaşlı şəxslər üçün ilk plastik kart;
ko-brend plastik kartı SubaruCard - kart sahibinə bonuslar qazanmaq və qazanılmış bonusları Subaru Avtomobil Mərkəzində istifadə etmək imkanı verir;
VirtualCard plastik kartı - İnternet şəbəkəsində ödənişlər üçün;
VISA Business və VISA Business Gold korporativ plastik kartları - şirkət rəhbərlərinin / əməkdaşlarının ezamiyyət və nümayəndəlik xərclərinin ödənilməsi üçün;
MobilBank xidməti - kart üzrə bir sıra əməliyyatları mobil telefon vasitəsilə həyata keçirmək imkanı yaradır;
Diskont proqramı - Azərbaycanın müxtəlif satış-xidmət müəssisələrində endirimlər almaq imkanı.
"Bank Respublika" plastik kart müştəriləri arasında həmçinin uduş kampaniyaları keçirir. Hazırda "Bank Respublika"nın İlk Kart istifadəçiləri arasında "Disneylend Səyahəti" uduş kampaniyası keçirilir. Kampaniyanın əsas mükafatı 4 günə 3 nəfərlik Parisdə yerləşən Disneylendə səyahətdir. Əlavə mükafatlar - 5 ədəd iPod musiqi pleyerləridir. 2008-ci ilin 1 iyul-1 dekabr tarixlərində İlk Kart ilə ən azı 20 manat və ya ABŞ dolları həcmində aparılan hər əməliyyat avtomatik olaraq 1 şans kimi qeyd olunur. Kampaniyanın qalibləri 2008-ci ilin 22 dekabr tarixində keçiriləcək lotereya oyunu nəticəsində müəyyən olunacaqlar.