Azərbaycan, Bakı, 22 avqust / Trend , müxbir İ.Xəlilova/ Gürcüstanda baş verən hadisələr "TBC Credit" qeyri-bank kredit təşkilatının (Əvvəllər "SOA Credit" adlanıb) fəaliyyətinə birbaşa təsir göstərməyib. Bu bankın əsas təsisçisi kapitalında 75 faiz iştirak payına malik Gürcüstanın "TBC Bank"ıdır. Bu barədə cümə günü təşkilatın sədr müavini Əjdər Əliyev bildirib.
Təşkilatın qalan paketi (25 faiz) Amerikanın "Shorebank" qrupuna daxil olan "Shorebank International" beynəlxalq konsaltinq firmasında qalıb. "Shorebank" 2000-ci ildə "SOA Credit"i təsis edib. "TBC Bank"ın ötən ilin dekabrında "SOA Credit"in kapitalına daxil olması, əlavə sərmayələr hesabına reallaşdırılıb. Bunun nəticəsində kredit təşkilatının kapitalı 10 mln. manatadək artıb.
"İlk əvvəl "TBC Bank"ın kredit təşkilatının fəaliyyətində iştirakı barədə saziş olmayıb və "TBC Credit" fəaliyyətini müstəqil şəkildə davam etdirir. Digər tərəfdən, bu günədək Gürcüstan bankı Gürcüstandakı qeyri -stabil şaraitdə ciddi problemlərlə üzləşməyib", - deyə Əliyev bildrib.
Bununla belə, "TBC Credit" xarici borcların cəlb edilməsində yaranan problemlərlə əlaqədar olaraq, o, Gürcüstandakı vəziyyətə görə, maliyyələşdirmə üçün Gürcüstan bankına müraciət edə bilmir.
Gürcüstanın kommersiya bankları avqustun 19- dan kreditlərin verilməsi və kredit kartları ilə əməliyyat xidmətlərini bərpa edib. Lakin onlara kredit verilməsi üzərində nəzarəti sərtləşdirmək tövsiyə olunub. Cənubi Osetiyada başlanan hərbi əməliyyatlarla əlaqədar avqustun 11- dən kredit əməliyyatlarına qadağa tətbiq edilib.
Avqustun 8 -nə keçən gecə Gürcüstan Silhlı Qüvvələri Cənubi Osetiyanın paytaxtı Tsxinvaliyə zərbə endiriblər. Avqustun 9- dan Rusiya Gürcüstanı sülhə məcbur etmək və Cənubi Osetiya ərazisində yaşayan rusları müdafiə etmək məqsədi ilə əməliyyatlara başlayıb. Avqustun 12- də Rusiya Federasiyasının prezidenti Dmitri Medvedyev hərbi əməliyyatların dayandırıldığını bəyan edib, lakin bu günədək Gürcüstanda vəziyyət qeyri-stabil olaraq qalmaqdadır.
Avqustun 22-nə olan rəsmi məzənnə 0,8129 AZN/USD təşkil edir.
Məqalə müəllifi ilə əlaqə ünvanı: c
