Azərbaycan, Bakı, 27 avqust/ Trend , müxbir Ü.İsmayılova/Qiymətli Kağızlar üzrə Dövlət Komitəsi "BakıSığorta" ASC-nin adi adlı sənədsiz səhmlərinin emissiya prospektini qeydə alıb, - çərşənbə günü Bakı Fond Birjasından deyiblər.
Emissiyanın həcmi 700.000 AZN təşkil edir, bir səhmin nominal dəyəri 200 AZN-dir.
Emissiya prospektinə əsasən, yerləşdirmə kütləvi təklif üsulu ilə Bakı Fond Birjası vasitəsi ilə keçiriləcək.
Səhmlərin yerləşdirilməsində anderrayter vəzifəsində"Respublika Invest" MMC çıxış edəcək.
Səhmlərin emissiya prospektinə əsasən, emitentin səhmdarları Nizamnamə kapitalinda paylarına münasib miqdarda yerləşdirilən səhmləri əldə etməkdə 1 ay ərzində üstünlük hüququna malikdirlər.
Azərbaycanın ən iri banklarından biri olan Bank Respublika-nın 2007-ci ilin oktyabrında yaratdığı Bakı Sığortanın Nizamnamə kapitalı 1,4 mln. manatadək artırılıb.
Yanvar-iyunun yekunlarına görə, Bakı Sığorta 0,31 mln. manat ödənişlə 3,85 mln. manat məbləğində sığorta haqları yığıb.
Bakı Sığorta Azərbaycanın sığorta bazarında son dövlərdə öz fəaliyyəti və yüksək maliyyə göstəriciləri ilə fərqlənməyən və bank tərəfindən alınan Tural Sığortanı əvəzləyib.