Azərbaycan, Bakı, 03 sentyabr/ Trend , müxbir İ.Xəlilova/ Azərbaycanın İxrac və İnvestisiyaların Təşviqi Fondu (AZPROMO) müəyyən fasilədən sonra (yay məzuniyyətləri dövrü) biznes-forumların təşkili praktikasını bərpa edir. Çərşənbə günü AZPROMO - dan bildiriblər ki, sentyabrın 16 -18 - də Norveç və İsveçdə iki biznes-forumun keçirilməsi planlaşdırılıb.
Sentyabrın 16 - da Osloda, 18 - də Stokholmda işgüzar dairələrin görüşləri keçiriləcək.
Azərbaycan nümayəndə heyətinin tərkibinə sənaye, kənd təsərrüfatı, informasiya texnologiyaları sahələrini, maliyyə sektorunu təmsil edən 20 şirkətin nümayəndəsi daxil olacaq. Tədbirin təşkilatçıları kimi AZPROMO və Azərbaycanın Norveç və İsveçdəki səfirliyi çıxış edir.
2008 - ci ildə 40 - dək tədbir keçirmək planlaşdırılıb. Cari ildə ixrac sazişləri üzrə həcmlərin artırılmasına əsas diqqət veriləcək. Almaniya, Koreya, İtaliya, Çin, Rusiya, Ukrayna və Türkiyə kimi ölkələrə dair prioritetlər var.
AZPROMO ötən il dünyanın 15 ölkəsində 50 beynəlxalq tədbir keçirib, tədbirlər çərçivəsində dəyəri 60 mln. avro olan müqavilələr imzalanıb.
Sentyabrın 3-nə olan cari mübadilə məzənnəsi -- 0,8145 AZN/USD.
Müəlliflə əlaqə saxlamaq üçün elektron ünvan - cap
