Azərbaycan, Bakı, 05 sentyabr / TrendCapita , müxbir Ü.İsmayılova/ Cari ilin yanvar-avqust aylarında Azərbaycan Dövlət Gömrük Komitəsi (DGK) büdcəyə proqnozlaşdırılan 742 mln. manata nisbətdə 744, 47 mln manat köçürmə edib. Bu barədə cümə günü DGK-dan məlumat verilib.
Yanvar- avqustda Gömrük Komitəsinin köçürmələri 2007- ci ilin analoji dövrünün göstəricilərini 238,4 mln. manat və ya 47,11 faiz ötüb.
Yanvar-iyulda Azərbaycan mal ixracını 2007- ci ilin analoji dövrünə nisbətdə 10 dəfə - 31282365,7 min dollar artırıb. Ümumi ixrac həcmi 34678290,3 min dollar təşkil edib.
Mal idxalı 1028320,7 min dollar və ya 35,81 faiz artaraq 3900231,8 min dollara çatıb.
Bu dövrdə Azərbaycanın ticarət əməliyyatları 131 xarici dövlət ilə həyata keçirilib, 1696 növlü mal ixrac, 5240 növlü mal idxal olunub.
Məqalə müəllifi ilə əlaqə ünvanı - [email protected]