Azərbaycan, Bakı, 15 sentyabr/ Trend müxbir İ.Xəlilova/ Sentyabrın 16 - da Bakıda öz işinə başlayacaq IV Azərbaycan Mikromaliyyələşdirmə Konfransında AR-ın mikromaliyyələşdirmə təşkilatlarının problemləri nəzərdən keçiriləcək. Azərbaycanın Mikromaliyyələşdirmə Assosiasiyasının (AMFA) icraçı direktoru Jalə Hacıyevanın bildirdiyinə görə, xarici kapitala (daha ucuz və uzunmüddətli əsasda) məhdud çıxış və kadrların səmərəli öyrədilməsi mirkomaliyyələşdirmə təşkilatlarının əsas problemləridir. Onun sözlərinə görə, təşkilatlar artdıqca yüksək ixtisaslı kadrlara böyük tələbat yaranır.
Bu gün mirkomaliyyələşdirmə təşkilatları cəlb olunan vəsaitlər əsasında fəaliyyət göstərirlər. Kreditlərin cəlb edilməsi ilə bağlı problemlər , əsasən, belə təcrübəsi olmayan yeni təşkilatlarda yaranır. "Bu heç də maliy yə sektorunda dünya böhranı ilə bağlı deyil. Belə ki, o , mikromaliyyələşdirmə sektoruna toxunmayıb, - Hacıyeva bildirib. - Bu sektor özəl sərmayədarlar üçün daha cəlbedicidir. Belə ki, bu gün o pulların hara daxil olduğunu və hansı maraqlara xidmət etdiyini açıq şəkildə nümayiş etdirir. Bununla əlaqədar, mikromaliyyələşdirmə sektorunda iki növ sərmayədar var - sosial və kommersiya".
Kommersiya sərmayədarlarının şərtləri daha sərtdir. Sosial sərmayədarlar isə , uzunmüddətli dövr üçün kreditlər verməsələr də, onların başlıca üstünlüyü təkrar maliyyələşdirmədir. Bu kiçik mikromaliyyələşdirmə təşkilatları və yeni işə başlayan kommersiya banklarına portfellərini inkişaf etdirməyə imkan verir. Ölkədə fəaliyyət göstərən 15 mikromaliyyələşdirmə təşkilatından 14 -ü AMFA-nın üzvüdür. Bu günə AMFA - nın 24 üzvü var (10 - u bank). Onların kredit portfeli il ərzində 100 faiz artaraq iyulun 1- nə $600 mln.-u ötüb. Kreditlərin yarısı kənd təsərrüfatının, 25 faizi ticarət əməliyyatları və s. maliyyələşdirilməsinə yönəlib. AMFA-nın fəal müştərilərinin sayı 290 mini ötür.
Konfransın işində 17 ölkədən 29 beynəlxalq təşkilatın nümayəndəsinin iştirakı gözlənilir. Bu tədbir iki ildə bir dəfə keçirilir. Hazırki konfransın fərqi belədir ki, 2008 -ci ildə Azərbaycanda mikromaliyyələşdirmənin 10 illiyi qeyd olunur və bu hadisə üzv təşkilatların (Finka, Norveg Credit) 10 illiyi ilə üst - üstə düşür. Tədbirdə ərəb, Avropa dövlətləri və yaxın xaric ölkələri ilə müqayisədə , Azərbaycanda mikromaliyyələşdirmənin inkişafına qiymət veriləcək.
Müəlliflə əlaqə saxlamaq üçün elektron ünvan [email protected]