Azərbaycan, Bakı, 19 sentyabr/ Trend müxbir İ.Xəlilova/ Azərbaycan hökuməti və Dünya Bankı (DB) sentyabrın 24-də ölkədə təhsil sistemində islahatların aparılması layihəsi üzrə kredit sazişi imzalamağı planlaşdırır, bankın Bakı nümayəndəliyindən cümə günü bildiriblər. Təhsil naziri Misir Mərdanova, bank tərəfdən isə DB-nin Azərbaycandakı nümayəndəsi Qreqori Yeceyçaka sazişin imzalanması üçün səlahiyyət verilib.
Layihənin ümumi dəyəri $45,4 mln.-a bərabərdir və bunun $25 mln.-u DB-nin kreditinin payına düşür. Kredit Beynəlxalq İnkişaf Assosiasiyasının xətti üzrə ayrılıb [10 il güzəştli dövr olmaqla 35 ilə və illik 0,75 faiz dərəcə ilə]. Layihənin dəyərinin qalan hissəsi Azərbaycan hökumətinin iştirakı və UNİCEF-in qrantı hesabına ödəniləcək.
Layihə, orta təhsil, məktəbəqədərki təhsil və texniki-peşə təhsilində islahatları əhatə edəcək. Kredit vəsitləri yeni kurrikulumların tətbiqi, müəllimlərin ixtisasartırma sistemlərinin müasirləşdirilməsi, tədris təcrübəsinə yeni mədəniyyətin tətbiqi, 5-6 yaşlı uşaqların məktəb təhsilinə hazırlanması səylərinin dəstəklənməsi, islahatların keçirilməsinin yaxşılaşdırılması üçün inzibatçılar və siyasətin potensialının artırılmasını əhatə edəcək.
Bundan əlavə, Azərbaycanın 500 məktəbinin kitabxanasına dəstək göstərmək nəzərdə tutulur.
Bu Azərbaycanda təhsil sistemində islahatların aparılmasına ayrılanm sonuncu güzəştli kredit olacaq. 2008-ci maliyyə ilində güzəştli maliyyələşdirmə kvotasının başa çatması ilə əlaqədar ali təhsil sistemi sahəsində islahatların təkmilləşdirilməsinə yalnız Beynəlxalq Yenidənqurma və İnkişaf Bankının şərtləri əsasında kredit ayrıla bilər. Bu istiqamətdə ayrıca layihə hazırlanır.
Hazırda qüvvədə olan təhsil sisteminin inkişafı layihəsi bu sahədə 1999-cu ildən qüvvədə olan təhsil sistemində islahatlar proqramına əsaslanmış bölmə islahatlarına yönəlib. Proqramın məqsədi təhsilin keyfiyyətinin artırılması və ümumilikdə sektorun yenidən təşkil edilməsidir. Layihənin ümumi dəyəri $20,99 mln.-dur və bunun $18 mln.-u DB-nin kreditinin payına düşür. Kredit 2003-cü il mayın 27-də bankın Direktorlar Şurasında təsdiqlənib. Bank $5 mln. məbləğdə birinci krediti 1999-cu ildə ayırıb.
Azərbaycanda təhsil sistemində islahatlar strategiyası $250 mln. qiymətləndirilir.
Azərbaycan 1992-ci ildən DB-nin üzvüdür.
Sentyabrın 19-na olan cari mübadilə məzənnəsi -- 0,8133AZN/USD.
Müəlliflə əlaqə saxlamaq üçün elektron ünvan: [email protected]