Gürcüstan, Tbilisi, 25 sentyabr/ Trend , müxbir N.Kirtsxaliya/ Gürcüstanın Baş naziri Lado Qurgenidze və BMK-nın Mərkəzi və Şərqi Avropa departamentinin direktoru Snejana Stoilckoviç Beynəlxalq Maliyyə Korporasiyasının (BMK) Gürcüstanın özəl sektoruna daimi dəstək göstərməsi məsələsini nəzərdən keçiriblər.
Korporasiyadan cümə axşamı bildirdiklərinə görə, təşkilat öz müştərilərinin - bankların dəstəklənməsini gücləndirir və bununla da Gürcüstanın maliyyə sektorunun sabitliyinin saxlanılmasına və gürcü şirkətlərinin maliyyə ehtiyatlarına çıxışının təmin edilməsinə əhəmiyyətli pay verir.
Görüşdə sahibkarlıq mühitinin, kiçik biznes üçün maliyyələşdirməyə çıxışın yaxşılaşdırılmasına yardımın göstərilməsi və Gürcüstan infrastrukturuna özəl sərmayələrin cəlb edilməsi imkanlarını müzakirə ediblər.
Maliyyə Korporasiyası münaqişəli vəziyyətdən sonra tələbatın qiymətləndirilməsi prosesində iştirak edib. Bundan əlavə, BMK Dünya Bankının rəhbərliyi altında kiçik və orta biznesin problemlərinin aşkar edilməsi üçün araşdırma aparacaq.
"Son illərdə Korporasiya Gürcüstanda, xüsusilə də bank sektorunda fəal iş aparır, - Stoilckoviç bildirib. - İndi müştərilərimizin uğurlu fəaliyyətinin davam etdirilməsi məqsədilə onların dəstəklənməsi və Gürcüstan iqtisadiyyatının artımına öz töhfəmizi vermək bizim üçün prioritetdir".
BMK- nın Direktorlar Şurası bir müddət əvvəl Gürcüstanın bir bankı üçün ticarət maliyyələşdirməsinə $20 mln. kreditin ayrılmasını təqdir edib. Cari fiskal ilində BMK Gürcüstan iqtisadiyyatına $300 mln.-dək sərmayə yatırmağı planlaşdırır.
Təşkilat sərmayələrin yatırılmasından əlavə intensiv məsləhət proqramını realizə etməyi planlaşdırır.
Müəlliflə əlaqə saxlamaq üçün elektron ünvan: [email protected]