Azərbaycan, Bakı, 25 oktyabr/ Trend , müxbir Ü.İsmayılova/ "Bakıda iki iri quşçuluq fabriki - "Mardakan Broyler" və "Hovsan Broyler" fəaliyyətini dayandırıb", - Azərbaycanın Respublika Quşçular Cəmiyyətinin rəhbəri Aydın Vəliyev şənbə günü bildirib.
Onun sözlərinə görə, "Hovsan Broyler" fəaliyyətini tam dayandırıb, "Mardakan Broyler" isə qalan 20 min toyuğun satışını elan edib.
"Düşünürəm bazarın bu tendensiyası davam edəcək", - Vəliyev bildirib.
Vəliyevin sözlərinə görə, quşçuluq fabrikləri yem və fəaliyyət üçün zəruri olan digər məhsulların idxalına çəkilən yüksək xərclərdən irəli gələn vəsait çatışmazlığı ilə əlaqədar fəaliyyətlərini dayandırmağa başlayıblar.
"Respublika Quşçuluq Cəmiyyəti fabriklərin fəaliyyəti üçün məhsulların idxalına ƏDV-nin ləğvi xahişi ilə dəfələrlə dəfə hökumətə müracitə edib. Quş yemlərinin 90 faizi idxal edilir", - Vəliyev əlavə edib.
Cəmiyyətin rəhbəri hökumətin yeni tərkibi təsdiq edildikdən sonra, yemlərin idxalına tətbiq olunan ƏDV-nin ləğvi məsələsinin yenidən qaldırılacağını istisna etmir.
"Mardakan Broyler"də qalan toyuqların satışı haqqında məlumatı təsdiqləyiblər. "Hovsan Broyler" ilə təcili şərhlər üçün əlaqə saxlamaq mümükün olmayıb.
Respublika Quşçular Cəmiyyətinin tərkibinə "Mardakan Broyler", "Siyazan Broyler", "Devechi Broyler", "Zira Broyler", "Arco Co", "Imishli Broyler", "Shamkir Broyler" də daxil olmaqla 29 müəssisə daxildir. Bu şirkətlərin 28-i quşçuluq və yalnız biri baytarlıq dərman preparatlarının distribüteridir. Azərbaycanda quşçuluq sahəsində çalışan işçilərin sayı 15-20 min nəfər təşkil edir.
Müəlliflə əlaqə saxlamaq üçün elektron ünvan: [email protected]