...

Azərbaycan Milli Bankı yenidən uçot dərəcəsini azaldıb

Biznes və iqtisadiyyat xəbərləri Materials 31 Oktyabr 2008 11:32 (UTC +04:00)

Azərbaycan, Bakı, 31 oktyabr / Trend / Azərbaycan Milli Bankının (AMB) İdarə Heyəti illik uçot dərəcəsinin 12%-dən 10%-ə, həmçinin faiz dəhlizinin yuxarı həddinin 17%-dən 15% -ə, aşağı həddinin isə 3%-dən 1%-dək endirilməsi barədə qərar qəbul edib. Dəyişikliklər oktyabrın 31-dən qüvvəyə minir.

Bununla yanaşı, 2008-ci il noyabrın 3-dən həm milli, həm də xarici valyutada bank öhdəlikləri üzrə icbari ehtiyat saxlama norması 12%-dən 9%-ə, xarici öhdəliklər üzrə icbari ehtiyat saxlama norması isə 5%-dən 0%-ə endiriləcək.

İl ərzində ölkənin strateji valyuta ehtiyatları 17 mlrd. dolları üstələyib, məcmu xarici aktivlər isə öhdəliklərdən 9 mlrd. dollar artıq olub. Yekunda dünya iqtisadiyyatında Azərbaycanın kreditor mövqeyi möhkəmlənib.

Ölkənin strateji valyuta ehtiyaları ölkənin məcmu xarici borcundan 1,7 dəfə çoxdur və onu beynəlxalq ödəmə qabiliyyəti ilə təmin edir.

AMB həmçinin hökumət ilə birgə bank sisteminin maliyyə stabilliyinin etibarlı təminatı və risklərin xarici amillərinin neytrallaşdırılaması məqsədi ilə qabaqlayıcı tədbirlər həyata keçirir. Bu tədbirlər Azərbaycanın bank sisteminin dünya maliyyə böhranının kompleks prudensial nizamlanmaya təsirinə dayanıqlılığının artırılması və likvid alətlərin yüksək zirəklik qabiliyyətinin təmin edilməsinə yönəldilib.

Məqaldə müəllifi ilə əlaqə ünvanı - [email protected]

Xəbər lenti

Xəbər lenti