Azərbaycan, Bakı, 04 noyabr/ Trend , müxbir A.Bədəlova/ "Beynəlxalq Qara dəniz Gəmi Sahibləri Assosiasiyası Şurasının (BİNSA) Qara dəniz İqtisadi Əməkdaşlıq Təşkilatında (QİƏT) tərəfdaşlıq statusu iki il uzadılıb", - təşkilatın rəhbəri, Azərbaycan Dövlət Xəzər Dəniz Gəmiçiliyinin rəisi Aydın Bəşirov BİNSA - nın Bakıda keçirilən iclasında bildirib.
Azərbaycan Dövlət Xəzər Gəmiçiliyinin (XDG) dəvəti ilə Bakıda 15 il əvvəl təşkil və təsis edilmiş BİNSA Şurasının XII iclası keçirilir.
"Bu illər ərzində BİNSA-nın QİƏT-də tərəfdaş statusu beş dəfə təqdim edilib və beş dəfə iki il müddətinə uzadılıb (2010-cu il aprelin 30-dək)", - Bəşirov bildirib.
XDG rəhbərinin sözlərinə görə, dəstəyin alınması və BİNSA-nın təklif etdiyi bir sıra təşəbbüslərin dəstəklənməsi və inkişaf etdirilməsi lazımi nüfuzun olması və QİƏT və Qara dəniz regionunun digər ölkələrinin təşkilata hörmətindən xəbər verir.
Şuranın iclasında Şura üzvləri, onların səlahiyyətli nümayəndələri, BİNSA-nın tərkibinə daxil olan gəmiçilik müəssisələrinin müşavir və ekspertləri iştirak edirlər.
Şuranın iclasının gedişində assosiasiya orqanlarının rəhbərləri seçilib. Növbəti iki ildə Assosiasiyanın prezidenti vəzifəsinə XDG - nin rəisi Aydın Bəşirov, vitse-prezident isə "Ukrreçflot" şirkətinin rəhbəri Mixail Çubay seçilib.
Şuranın iclasında Assosiasiyaının 15 illik fəaliyyət dövrünün başa çatması ilə bağlı fəaliyyət məsələləri, gəmiçilik şirkətlərində təhlükəsizliyin idarə edilməsi məsələləri, nəqliyyat kommunikasiyalarının Qara dənizin ekosisteminə qarşı təhdidlərinin aradan qaldırılması yolları müzakirə edilib, 2009 - 2009 - cu illər üzrə əsas işlər müəyyən edilib.
İclas zamanı BİNSA - nın prezidentinə Beynəlxalq Nəqliyyat Akademiyasının diplomu təqdim edilib.
Şuranın növbəti iclası 2009 - cu ilin sentyabr - oktyabrına Odessaya təyin edilib.
BİNSA - dəniz sənayesi sahəsində iri gəmiçilik müəssisələrinin qarşılıqlı fəaliyyətinin təşkilində 15 illik təcrübəsi olan, inkişaf etmiş təşkilati strukturlu, liman, gəmiqayırma və gəmi təmiri təşkilatlarına malik olan beynəlxalq qeyri - hökumət təşkilatıdır.
Müəlliflə əlaqə saxlamaq üçün elektron ünvan: с[email protected]
