Qazaxıstan, Astana, 05 noyabr / Trend , müxbir K.Konırova/ Qazaxıstanda oktyabr ayında mədənçıxarma sənayesində qiymətlər 11%, emal sənayesində 1,9% düşüb, elektrik enerjisi, qaz, su istehsalı və paylanması üzrə qiymətlərsə, 1,1% artıb. Bu barədə Qazaxıstanın Statistika Agentliyi məlumat verib.
"Enerji daşıyıcılarının qiymətləri və tarifləri ümumilikdə ay ərzində 10,8%, qaz kondensatı üzrə 13,2%, neft üzrə 12,4%, neft məhsulları üzrə 0,9% azalıb, kömürün qiymət və tarifləri 14,9%, elektrik enerjisi üzrə 0,1% artıb", - deyə idarənin press- relizində bildirilir.
Statistika Agentliyinin məlumatına görə, metallurgiya sənayesində qiymətlər, xarici bazarlarda onların qiymətinin ucuzlaşması ilə bağlı, ay ərzində mis üzrə 8,6%, qiymətli metallar üzrə 7,9%, xam alüminium üzrə 4,9%, emal olunmamış sink üzrə 3,2% ucuzlaşıb.
Respublikada istehsal olunan qida məhsulları ötən ayda 0,3%, bitki yağları 5%,buğda unu 1,1%, süd məhsulları 0,7% ucuzlaşıb. Ət məhsullarnın qiymətləri 3,4%, yarma 3%, makaron məmulatları 0,6% ucuzlaşıb.
Məqalə müəllifi ilə əlaqə ünvanı: [email protected]
