Azərbaycan, Bakı, 06 noyabr/ Trend , müxbir İ.Xəlilova/ "Azərbaycanda ərzaq təhlükəsizliyi üzrə tədbirlərin maliyyələşdirilməsi üçün ilk dəfə olaraq 2009 - cu ilin dövlət büdcəsindən 60 mln. manat ayrılacaq", - maliyyə naziri Samir Şərifov cümə axşamı parlament komissiyaslarının iclası zamanı 2009-2012-ci illərin dövlət büdcəsinin müzakirəsində bildirib.
2008 - 2015-ci illərdə Azərbaycan əhalisinin ərzaq məhsulları ilə etibarlı təminatı üzrə Dövlət Proqramı 2008-ci il avqustun 25-də təsdiq edilib.
Nazirin sözlərinə görə, gələn il fermerlərin aldıqları mineral gübrələr və yanacaq-sürtkü yağlarının dəyərinin 50 faizinin örtülməsi üçün 77 mln. manat ayırmaq planlaşdırılır. Bundan əlavə, aqrar sektorun dəstəklənməsi üçün Agrolizinq ASC-yə 40 mln. manat ayrılacaq. Bu vəsaitlərin hesabına buğda toxumlarının dəyərinin 50, taxıl istehsalçıları üçün mineral gübrələrin dəyərinin 70 faizinin örtülməsi nəzərdə tutulur.
Gələn ilin dövlət büdcəsində kənd təsərrüfatı kreditləşdirməsi üçün 10 mln. manat ayrılıb.
Noyabrın 6-na olan cari mübadilə məzənnəsi -- 0,8077 AZN/USD.
Müəlliflə əlaqə saxlamaq üçün elektron ünvan: [email protected]
