Azərbaycan, Bakı, 07 noyabr/ Trend / Qara dəniz Ticarət və İnkişaf Bankı (QTİB) Avstriya İnkişaf Bankı (AİB) ilə birgə QTİB-ə üzv ölkələrdə əməkdaşlığın möhkəmləndirilməsinə yönəldilmiş Xüsusi texniki qarşılıqlı əlaqələr fondunu təsdiq edib.
AİB ilkin olaraq fonda 500 min avro məbləğində vəsait köçürəcək, bu, Avstriya hökuməti tərəfindən inkişafa rəsmi yardım kimi nəzərdə tutulub.
Fondu QTİB idarə edəcək. QTİB fonddan xüsusi hüquqi şəxslərə göstərilən məsləhət xidmətləri, biznes-planlar, maliyyə və hesabların təhlili və biznes-araşdırmaların maliyyələşdirilməsi üçün istifadə edəcək.
Xüsusi texniki qarşılıqlı əlaqələr fondu Qara dəniz regionu üzrə özəl sektor müəssisələrinin maliyyələşdirilmə yolunu sadələşdirəcək.
Fondun xidmətlərindən QTİB-in üzv ölkələri istifadə edəcək: Albaniya, Ermənistan, Azərbaycan, Gürcüstan, Moldova, Türkiyə və Ukrayna.