Azərbaycan, Bakı, 10 noyabr/ Trend , müxbir Ü.İsmayılova/Yanvar - sentyabrda əmək pensiyaçılarının sayı 1,266 mln. nəfər təşkil edib, -- Dövlət Sosial Müdafiə Fondundan bazar ertəsi bildiriblər.
Pensiyaçıların 497,8 min nəfərini kişilər, 771,6 min nəfərini qadınlar təşkil edir.
Pensiya yaşına çatmış qadınların 373,5 min nəfəri çoxuşaqlı anadır. Pensiya alan dövlət qulluqçularının sayı təxminən 9 min, işləyən pensiyaçıların sayı 123,2 min nəfər təşkil edir.
Azərbaycanda əmək pensiyalarının üç növü mövcuddur: yaşa görə, əlilliyə görə və ailə başçısının itirilməsinə görə.
"Gələn il Fondun gəlir və xərcləri 1,775 mlrd. manat səviyyəsində proqnozlaşdırılır. DSMF-nin xərclərinin 93,5 faizi əmək pensiyalarının ödənilməsinə yönəldiləcək", - Fondun rəhbəri Səlim Müslümov əvvəllər parlament komissiyalarının ölkənin 2009 - cu ilin dövlət büdcəsinin müzakirəsinə həsr edilmiş birgə iclasında bildirib.
Gələn il əmək pensiyaçılarının sayının 1,29 mln. nəfər, o cümlədən, gələn ilin əvvəlinə 1,277 mln., 2010 - cu ilə - 1,303 mln. nəfər təşkil edəcəyi proqnozlaşdırılır.
Hazırda kişinin orta pensiya yaşı 62 il, qadının - 57 il təşkil edir.
Noyabrın 10 - na olan cari mübadilə məzənnəsi -- 0,8076 AZN/USD.
Müəlliflə əlaqə saxlamaq üçün elektron ünvan: [email protected]
