Azərbaycan, Bakı, 10 noyabr/ Trend , müxbir N.İsmayılova/ Qlobal maliyyə böhranı kənd təsərrüfatı məhsullarının emalı sahəsində çalışan müəssisələrin fəaliyyətinə və ümumilikdə Azərbaycanın kənd təsərrüfatı sektoruna mənfi təsir göstərməyib, - Finre Conculting Konslatinq Şirkətinin icraçı direktoru Faiq Abbasov bazar ertəsi bildirib.
"Azərbaycanın kapital bazarı çox dərin olmadığı üçün, hər cür spekulyativ və qısamüddətli sazişlərin yoxluğu, Qazaxıstan və Rusiya kimi qonşu ölkələrdə müşahidə edildiyi kimi, mənfi təzahürlərin yayılmasının qarşısını alıb", - Abbasov bildirib.
Onun rəyinə görə, bunun sayəsində bank və maliyyə sektoru zərər çəkməyib və kapitalın ölkədən axması, səhm kotirovkalarının qiymətdən düşməsi və ya milli valyutanın mübadilə məzənnəsinin dəyişkənliyi kimi mənfi təzahürlər müşahidə edilməyib.
"Yalnız maliyyə böhranı ilə bağlı xarici amillər və xarici bazarlarda maliyyə - kredit seqmentlərində likvidliyin azalmasına görə, ölkənin bankları kənardan borclanmalara çıxışda hansısa məhdudiyyətlərlə üzləşib, - Finre-nin rəhbəri bildirib. Beləliklə, daha mühafizəkar üsula keçən banklar kredit sazişləri üzrə təklfiləri xeyli azaldıblar".
Abbasovun rəyinə görə, dövlət dəfələrlə özünün adekvat reaksiyasını göstərib və bankları taleyin ümidinə buraxmayaraq, bank sektorunu dəstəkləyib. Dövlət yaranmış konyuktura çevik və əsaslı şəkildə reaksiya göstərib, maliyyə sektorunun dəstəklənməsi məqsədilə pul-kredit və fiskal siyasət rıçaqlarına düzəlişlər edib və beləliklə də, məcburi ehtiyat üzrə tələbləri sadələşdirərək, orta müddətli əsasda mənfəət vergisinin ödənilməsindən azad edilmə üzrə vergi güzəştləri təqdim edib ki, bu da bazarın bu seqmentində əlavə likvidlik və sabitliyi təmin edib.
"Aparılan təhlillərə görə, layihəyə cəlb edilən şirkətlər cari vəziyyətdə fəaliyyətlərinin sabit qiymətləndirilməsinə əsas verirlər", - Abbasov bildirib.
Kənd təsərrüfatı məhsullarının emalı sahəsində çalışan subyektlər kifayət qədər kapitallaşıb və onların əksəriyəti, mövcud təcrübə və tarixin olması şərtilə, daxili bazarda təklif edilən malların ticarət markalarını formalaşdırıblar ki, bu da müəyyən üstünlüklər verib.
Əksər kənd təsərrüfatı müəssisələrində əsas strateji məqsəd olduqca çox keyfiyyətli tələbat malları təqdim etməklə, istehlakçıların tələbatını ödəməkdir.
"Bu kontekstdə, müəssisələrin potensialın formalaşdırılmasına, daha əlverişli qiymətlə idxalla əvəzi ödənilən mallar, eyni keyfiyyət parametrlərinə malik mallar təqdim etməyə yönəlmiş rəqabətqabiliyyətliliyi gücləndirmək ambisiyaları yaranıb", - şirkətin direktoru bildirib.
Onun rəyinə görə, bəzi müəssisələrin xarici bazara çıxmaq və ölkə sərhədlərindən kənarda rəqabət aparmaq imkanı var. Xaricdə satış həcmlərinin müsbət artım tendensiyaları ilə ixrac əməliyyatları üzrə ilkin əsaslar formalaşmış infrastruktur və gələcəkdə fəaliyyətin genişləndirilməsi imkanlarına dəlalət edir, - Abbasov hesab edir.
Finre aşkar edib ki, azad rəqabət kondisiyası şəraitində, ölçüsünə görə kiçik müəsssisələr bu amildən istifadə edərək, həm əsas istehsalçı, həm də istehlakçıya zərər vurur. Bəzən bu kiçik müəssisələr analoji adlı ticarət markalarından istifadə prinsiplərini pozaraq, çox hallarda bazara daha ucuz qiymətli və daha aşağı keyfiyyətli mallar təqdim edirlər. Belə halda, birbaşa zərər və risklər (bu halda imic riski) orijinal mal istehsal edənlərin üzərinə düşür. Bu amil indiyədək bazarın əsas oyunçuları üçün problem kimi qalır.
"Lakin hazırki vəziyyətdə qlobal maliyyə böhranının şirkətlərin və ümumilikdə sektorun fəaliyyətinə hər hansı mənfi təsir göstərməsindən danışmaq üçün heç bir zəmin yoxdur, - Abbasov bildirib. Konsaltinq şirkəti, gələcəkdə real iqtisadiyyatın subyektlərinin fəaliyyətinə mənfi təsir göstərə biləcək analoji böhran tərəddüdləri ilə üzləşməmək üçün, strateji planlaşdırma üzrə tövsiyələr çərçivəsində həm ayrı-ayrı, həm də sistemli risklərə yer ayırıb".
Risklərin idarə edilməsi üzrə tələb olunan yanaşmanın tətbiqi gələcəkdə bütün daxili və xarici hadisələrə adekvat cavab vermək və müəyyən şikətlərin istehsalında arzuedilməz tərəddüdlərin minimallaşdırılması üçün müvafiq qərarların qəbulunu təmin etməyə imkan verəcək.
Finre Consulting Konsaltinq Şirkəti cari ilin avqustundan başlayaraq Azərbaycanda dövlətin dəstək göstərdiyi bəzi özəlləşdirilmiş kənd təsərrüfatı məhsullarının emalı müəssisələrinə konsaltinq xidmətlərinin təqdim edilməsi layihəsinin həyata keçirilməsi üçün cəlb edilib. Bu layihənin təşəbbüskarı Dövlət Əmlakının İdarə Edilməsi üzrə Dövlət Komitəsidir.
Müəlliflə əlaqə saxlamaq üçün elektron ünvan: [email protected]
