Azərbaycan, Lənkəran, 11 noyabr / Trend , müxbirlər Ü.İsmayılova, P.Əliyeva/ Azərbaycanın Lənkəran rayonunda (Bakıdan 270 kilometr cənubda) daşınmaz əmlak bazarında qiymətlər 15-20 faiz ucuzlaşıb. Bu barədə çərşənbə axşamı alqı-satqı ilə məşğul olan "Elnur" MMC şirkətinin direktoru Mirzə Əliyev bildirib.
"Hazırda şəhərin mərkəzində birotaqlı mənzilin qiyməti 35-40, iki-üç otaqlılar - 45-60, beşotaqlılar - 65-75 min dollardır" - Əliyev deyib.
Onun sözlərinə görə, mikrorayonlarda və bölgənin yaşayış massivlərində birotaqlı mənzilin qiyməti 18-22 min dollar, ikiotaqlılar 25-30 min, üç və dördotaqlılar isə 30-40 min dollardır. Həyət evlərinin qiyməti isə, 50-600 min dollar arasında dəyişir.
Əliyev deyib ki, sentyabrda həm də bölgənin torpaq bazarında qiymətlər 15-20 faiz, 1 sota görə 1-8 min dollaradək ucuzlaşıb.
Sentyabrda yalnız kirayə evlərin qiyməti 55 faiz artıb, yerindən və şəraitindən asılı olaraq qiymətlər 100-600 manat arasında dəyişir.
Əliyev bildirib ki, Lənkəranın mənzil bazarında qiymətlərin düşməsilə bağlı bu tendensiya 2009-cu ilin mart-aprel aylarınadək davam edəcək.
Bakının daşınmaz əmlak bazarında sentyabr ayında mənzillərin orta qiyməti 0,9 faizə, 135,51 min dollaradək ucuzlaşıb. Sentyabr ayında mənzillərin kvadratmetri cəmi 2 dollar, 1626 dollaradək artıb. Bir otağın orta qiyməti sentyabrda 56,69 min dollar (+2,8 faiz), orta otaq göstəricisi 2,39 (-3,6 faiz) təşkil edib.
Məqalə müəllifilə əlaqə ünvanı: [email protected]
