Azərbaycan, Bakı, 18 noyabr/ Trend , müxbir Ü.İsmayılova/ "Dünya maliyyə böhranı Azərbaycan iqtisadiyyatına birbaşa və ya bilavasitə təsir göstərəcək", - Azərbaycanın əmək və əhalinin sosial müdafiəsi naziri Füzuli Ələkbərov İsveçin məşğulluq naziri Sven-Otto Litorinlə görüşün yekunları üzrə mətbuat konfransında bildirib.
"Böhran dövründə ölkə iqtisadiyyatının bank və digər maliyyə sahələrinə kömək etmək və bu vəziyyəti minimal zərərlə aradan qaldırmaq üçün indiyədək Azərbaycanın Dövlət Neft Fondunda kifayət qədər vəsait yığılıb", - nazir bildirib.
Ələkbərovun sözlərinə görə, Azərbaycan parlamentinin müzakirə etdiyi 2009-cu ilin dövlət büdcəsi və makroiqtisadi göstəricilər layihələri kifayət qədər yüksək səviyyədə proqnozlaşdırılıb. Hazırda Azərbaycan öz infrastrukturunun inkişafına böyük diqqət yetirir və gələn il bu məqsədlər üçün nəzərdə tutulan dövlət sərmayələri xeyli artırılıb. Onun rəyinə görə, ölkə iqtisadiyyatının sosial sahəsi üçün də dövlət xərclərinin xeyli artması müşahidə olunur.
Müəlliflə əlaqə saxlamaq üçün elektron ünvan: [email protected]
