Gürcüstan, Tbilisi, 20 noyabr/ Trend , müxbir N.Kirtsxaliya/ Gürcüstan və Azərbaycan yük dövriyyəsinin artım tendensiyasından çıxış edərək, beynəlxalq avtomobil yük daşınmaları üçün nəzərdə tutulmuş birdəfəlik kvotanı razılaşdırıblar, - Gürcüstanın Vahid Nəqliyyat Administrasiyasından Trend - a bildiriblər.
Gürcüstan və Azərbaycanın müvafiq idarələrinin qarışıq ekspertlər komissiyasında tərəflər avtomobil daşınmaları məsələlərini müzakirə ediblər, - administrasiyadan bildiriblər.
2008-ci ilin sonuna birdəfəlik kvotaların sayının 3000, 2009 - da - 3300-dək artacağı barədə razılıq əldə edilib.
2005-2006- cı illərdə kvotaların sayı 1500, 2007-də - 1800, 2008-də 1500 olub.
