Özbəkistan, Daşkənd, 04 dekabr/ Trend , müxbir T.Jukov/ Navoi şəhərində beynəlxalq hava limanı rayonunda eyni adlı azad sənaye - iqtisadi zonası ("Navoi" ASİZ) yaradılacaq, - Trend -ın Daşkənddəki xüsusi müxbiri xəbər verir. Respublika prezidenti İslam Kərimov müvafiq fərman imzalayıb.
ASİZ - in ərazisində yüksək texnoloji, dünya bazarlarında rəqabətəqabiliyyətli məhsulun istehsalı təşkil olunacaq, - Özbəkistanın İqtisadiyyat Nazirliyinin mətbuat xidmətindən bildiriblər. Bu, müasir çox məhsuldar xarici avadanlıq və texnika, texnoloji xətlər və modullar, innovasiya texnologiyalarının tətbiqi hesabına mümkün olacaq.
"Navoi" ASİZ müddəti güzəştli şərtlərin artırılması imkanı ilə, 30 il fəaliyyət göstərəcək. Bu müddətdə onun ərazisində xüsusi gömrük, valyuta və vergi rejimi, sadələşdirilmiş giriş, çıxış, Özbəkistanın rezidentləri olmayan vətəndaşların əmək fəaliyyətini həyata keçirməsinə icazə verilməsi qaydası mövcud olacaq.
"Navoi" ASİZ-də qeydiyyatdan keçmiş təsərrüfat subyektləri torpaq vergisi, əmlak və mənfəət vergisindən azad edilir. Bundan əlavə, onlar abadlıq və sosial infrastrukturun inkişafı vergisinin, vahid vergi ödənişi, respublikanın yol fondu və məktəb təhsili fonduna icbari ödənişərdən də azad ediləcəklər. Vergi üstünlüklərinin müddəti yatırılmış birbaşa sərmayələrin həcmindən asılı olacaq. Birbaşa sərmayələr 30 mln. avrodan çox olarsa, güzəştlərin maksimal müddəti 15 ildir. Sonrakı 10 ildə mənfəət vergisi və vahid vergi ödənişi mövcud dərəcələrdən 50 faiz aşağı müəyyən edilir.
Prezidentin fərmanına müvafiq olaraq, "Navoi" ASİZ-in xidmətlərdən əldə edilən gəlirlər və qanunla qadağan olunmamış digər daxilolmaların, torpaq, bina və tikililərin icarəyə verilməsindən əldə edilən gəlirlərin bir hissəsinin hesabına formalaşan müstəqil büdcəsi olacaq. Büdcə çərçivəsində, infrastruktrun inkişafı və zonanın fəaliyyət səmərəliliyinin artırılması üçün istifadə edilən azad sənaye- iqtisadi zonanın inkişafı fondu yaradıla bilər.
Müəlliflə əlaqə saxlamaq üçün elektron ünvan: [email protected]
