Azərbaycan, Bakı, 18 dekabr/ Trend , müxbir Ü.İsmayılova/ MBA Group Konsaltinq Şirkəti, New Europe və Bakı Əmlak riyeltor şirkətlərinin təsisçiləri olduğu Bakı Riyeltorlar Assosiasiyası cümə axşamı Azərbaycanın Ədliyyə Nazirliyində qeydiyyatdan keçib, - MBA Group-un Baş direktoru Nüsrət İbrahimov bildirib.
"Assosiasiyanın geniş tərkibdə ilk toplantısı gələn ilin əvvəlində keçiriləcək", - İbrahimov qeyd edib.
Onun sözlərinə görə, Assosiasiyanın yaradılmasında məqsəd - ölkədə vahid riyeltor siyasətinin formalaşdırılmasıdır.
Assosiasiya daşınaz əmlak bazarında koordinator, bazarın bu seqmentində mədəniyyət, etika, standartları hazırlayacaq təşkilat funksiyalarını yerinə yetirəcək.
İbrahimovun sözlərinə görə, Assosiasiyanın planlarına bazardakı qiymətlər barədə məlumatın toplandığı, həftəlik, aylıq, rüblük və illik əsasda maraqlı olan və ölkənin daşınmaz əmlak bazarında iştirak edənlərə təqdim olunacaq elektron məlumat bazasının yaradılması daxildir.
İbrahimov bildirib ki, hazırda Bakıda təxminən 800 iri və kiçik riyeltor fəaliyyət göstərir. Ümumilikdə ölkədə onların sayı təxminən 3 mindir.
Müəlliflə əlaqə saxlamaq üçün elektron ünvan: [email protected]
