...

Azərbaycanda  bir milyon hektardan çox ərazidə payızlıq dənli bitkilərin səpini həyata keçirilib

Biznes və iqtisadiyyat xəbərləri Materials 23 Dekabr 2008 20:40 (UTC +04:00)

Azərbaycan, Bakı, 23 dekabr/ Trend , müxbir S.Babayeva/ Dövlət Statistika Komitəsinin məlumatına əsasən, Azərbaycanda 1,28 mln. ha ərazidə payızlıq dənli bitkilərin səpini həyata keçirilib. Əkin sahələrinin təxminən 800 min hektarı buğda, 242 min hektarı arpanın payına düşür.

Dekabrın 17-nə Şəkidə 79,3 min ha, Cəlilabadda - 62,4 min ha, Neftçalada - 43,1 min ha, Naxçıvanda - 27 min ha əraizdə səpin aparılıb.

Azərbaycanın Kənd Təsərrüfatı Nazirliyinin proqnozlarına əsasən, 2009-cu ildə ölkədə dənli bitkilərin istehsalı ən azı ik milyon ton təşkil edəcək.

Cari ildə respublikada dənli və dənli-paxlalı bitkilərin (qarğıdalı da daxil olmaqla) istehsalı 2,5 mln. tona çatıb ki, bu da 2007-ci ilin göstəricilərindən 492 min ton çoxdur. Ölkədə dənli bitkilərin səpin sahəsi 894,03 min ha təşkil edib. Hər hektardan məhsuldarlıq 27,9 sentner təşkil edib ki, bu da ötən ildən 0,8 faiz çoxdur.

Ümumi istehsaldan 1,7 mln. ton (68,7 faiz) payızlıq və yazlıq buğdanın payına düşüb.

Azərbaycanın taxıla olan illik tələbatı 3 mln. ton təşkil edir. Bunun 1 mln. tonu idxal olunur.

Ölkənin Kənd Təsərrüfatı Nazirliyi yaxın illərdə yerli istehsal hesabına ərzaq taxılına olan daxili tələbatı tam ödəyəcək.

Müəlliflə əlaqə saxlamaq üçün elektron ünvan: [email protected]

Xəbər lenti

Xəbər lenti