Azərbaycan, Bakı, 07 yanvar / Trend , müxbir N.İsmayılova/ Dekabr ərzində milli banklararası iri ödənişlər sistemi (AZİPS) vasitəsilə ödəmələrin həcmi 67,1 faiz və ya 4,3 mlrd. manat - 10,7 mlrd. manatadək artıb, - Azərbaycan Milli Bankından çərşənbə günü bildiriblər. Noyabrda bu sistem vasitəsilə ödəmələrin həcmi 6,4 mlrd. manat təşkil edib.
Dekabrda kiçik ödənişlərin klirinq ödəmə sistemi (XONKS) vasitəsilə əməliyyatların həcmi 58,7 faiz artaraq 692 mln. manat təşkil edib. Noyabrda bu göstərici 436 mln. manata çatıb.
Ötən il ərzində hər iki sistem üzrə ödəmələrin maksimal həcmi dekabrda olub.
Hesabat dövrü ərzində AZİPS və XONKS sistemləri vsaitəsilə 47 min və 269 min ödəmə həyata keçirilib ki, bu da noyabr göstəricisindən müvafiq olaraq 30,6 faiz və 56,4 faiz çoxdur.
Ötən ilin dekabrında AZİPS sistemi istifadəçilərinin sayı 47, XONKS ödəmə sistemi istifadəçilərinin sayı isə 51-ə bərabər olub.
Yanvarın 7-nə olan cari mübadilə məzənəsi - 0,8025 AZN/USD.
Müəlliflə əlaqə saxlamaq üçün elektron ünvan: [email protected]
