Azərbaycan, Bakı, 19 yanvar / Trend , müxbir N.İsmayılova/ 2008-ci ildə bütün maliyyə mənbələrindən ölkənin iqtisadi və sosial sahələrinin inkişafına 9073,6 mln. manat yatırılıb ki, bu da 2007-ci il ərzində əsas kapitala sərmayə yatırımlarını 34,3 faiz qabaqlayır.
Azərbaycanın Dövlət Statistika Komitəsindən bazar ertəsi bildiriblər ki, özəl mülkiyyətdə olan müəssisələr və təşkilatlar əsas kapitala 3396,2 mln. manat (bütün sərmayələrin 37,4 faizi), dövlət təşkilatları isə - 5677,4 mln. manat (62,6 faiz) yatırıblar.
Təmir-tikinti işlərinə yatırılan sərmayələrin həcmi 56,7 faiz artaraq 5620,4 mln. manat təşkil edib. İstehsal yönümlü obyektlərin tikintisi üçün 6519,2 mln. manat sərmayə istifadə edilib, qeyri-istehsal obyektlərinə isə 2554,4 mln. manat yatırılıb.
Xüsusi çəkisi 24,5 faiz olan xarici sərmayələr 2224,7 mln. manat təşkil edib. Müvafiq olaraq sərmayələrin ümumi həcmindən 75,5 faiz (6848,9 mln. manat) daxili sərmayələrin payına düşüb. 2007-ci illə müqayisədə onların həcmi 67,2 faiz artıb, xarici sərmayələr isə 16,3 azalıb. Daxili sərmayələrin böyük hissəsi (79,6 faiz) dövlət müəssisə və təşkilatlarına və yalnız 20,4 faiz özəl qurumlara yatrılıb.
Əsas kapitala yatırılan vəsaitlərin 30,9 faizi (2805 mln. manat) ölkənin neft sektorunun inkişafına, 69,1 faiz isə (6268,6 mln. manat) qeyri-neft sektorunun inkişafına yönəldilib. Qeyri-neft sektoruna investisiyalar 2007-ci ilin analoji dövrü ilə müqayisədə 81,3 faiz artıb.
Bununla yanaşı, sərmayələrin 44,3 faizi sənaye sahələri; 3,7 faizi - kənd təsərrüfatı; ,1 faizi - ticarət və xidmətlər; 22,5 faizi - nəqliyyat; 1,8 faizi - rabitə; 7,3 faizi- mənzil tikintisi; 2,8 faizi - səhiyyə; 3,1 faizi - təhsil; 13,5 faizi - digər sahələrin payına düşür.
Maliyyələşdirilməsi büdcə vəsaitləri hesabına həyata keçirilən obyektlərin tikintisinə 3569,1 mln. manat və ya 2008-ci il dövlət büdcəsində kapital yatırımları üçün təsdiq edilən 4326,3 mln. manat вəsaitin 82,5 faizi yаtırılıb. Istifadə edilmiş vəsaitlərin 3/4-dən çoxu təmir-tikinti işlərinə yönəldilib.
Müəssisə və təşkilatların hesabına əsas kapitala 4075,9 mln. manat (sərmayələrin ümumi həcminin 44,9 faizi), bank kreditləri hesabına - 349,1 mln. manat (3,8 faiz), büdcə vəsaitləri - 3726,1 mln. manat (41,1 faiz), büdcədənkənar fondlar - 626,7 mln. manat (6,9 faiz), əhalinin şəxsi vəsaitləri - 291,1 mln. manat (3,2 faiz), digər vəsaitlər hesabına isə 4,7 mln. manat (0,1 faiz) yatırılıb.
Yanvarın 19-na olan cari mübadilə məzənnəsi - 0,8036 AZN/USD təşkil edib.
Müəlliflə əlaqə saxlamaq üçün elektron ünvan: [email protected]
