Azərbaycan, Bakı, 21 yanvar/ Trend , müxbir Ü.İsmayılova/
Azərbaycanda daşınmaz əmlak obyektlərinin özəlləşdirilməsinin başladığı vaxtdan - 1990-cı ildən ölkədə 22,8 mln. kv.m və ya 417,1 min mənzil özəlləşdirilib, - Dövlət Statistika Komitəsindən çərşənbə günü bildiriblər.
"Azərbaycanda daşınmaz əmlakın özəlləşdirilməsi 68,8 faiz realizə olunub", - Komitədən bildiriblər.
Ötən il Azərbaycanda ümumi sahəsi 865,2 min kv.m olan 13 min mənzil özəlləşdirilib.
Azərbaycanda "Mənzil fondunun özəlləşdirilməsi haqqında" Qanun 1989-cu ildə qəbul edilib. O, mənzillərin əvəzsiz olaraq vətəndaşlara verilməsini nəzərdə tutur ki, bu da həmin mənzil sahəsinin dövlətin balansından çıxarılması deməkdir. Əmlakın özəl əllərə verilməsi prosesində, mənzillərini özəlləşdirmiş vətəndaşlar özəl mülkiyyət sahiblərinə çevriliblər.
Müəlliflə əlaqə saxlamaq üçün elektron ünvan: [email protected]