Azərbaycan, Bakı, 06 fevral / Trend , müxbir Ü.İsmayılova/ "Azərbaycan Əmək və Əhalinin Sosial Müdafiəsi Nazirliyi əmək miqrantlarının cəlb edilməsi tədbirlərinin gücləndirilməsi üzrə qanun layihəsi hazırlayır", - cümə günü Azərbaycanın əmək və əhalinin sosial müdafiəsi naziri Fizuli Ələkbərov ünvanlı sosial yardım və tibbi sosial ekspertiza məsələlərinə həsr olunmuş kollegiyada deyib.
"Qanun layihəsi bir min manat həcmində cərimə qoyulması və hətta (xarici əmək miqrantlarının qeyri-qanuni işə cəlb edilməsinə görə) cinayət məsuliyyətinə cəlb olunmasını nəzərdə tutur", - nazir bildirib.
(Hazırda Azərbaycan vətəndaşlığı olmayan xarici vətəndaşlar və şəxslərin Azərbaycan ərazisində işə qəbuluna icazə verilməsi üçün dövlət rüsumu 50 manat təşkil edir ki, bu məbləğin də 20 dəfə artırılması planlaşdırılır).
Onun sözlərinə görə, bu tədbirlər əmək bazarının keyfiyyətinin artırılması və Azərbaycan əmək resurslarının inkişafı layihəsi çərçivəsində nazirlik tərəfindən nəzərdən keçirilir. Monitorinqlər göstərib ki, son illər ölkəyə xarici əmək qüvvələrinin idxalı hiss ediləcək dərəcədə azalıb və bu proses hazırda da davam edir.
"Yüksək ixtisaslı ekspertlər Azərbaycana lazımdır. Çünki onlar ölkə iqtisadiyyatının inkişafında böyük rol oynayırlar. Xarici miqrantları icazəsiz işə cəlb edən hər bir işəgötürən isə ölkənin maraqları naminə məsuliyyətə cəlb olunmalıdır", - nazir qeyd edib.
Əmək Nazirliyinin məlumatına görə, 2008-ci il oktyabrın 1-nə olan vəziyyət qeydiyyatdan keçmiş miqrantların sayının 3 353 nəfər olduğunu müəyyənləşdirib. 2007-ci ildə bu rəqəm 507 nəfər olub. Qeydiyyatdan keçmiş əcnəbi vətəndaşların sayının 5,7 dəfə artmasına baxmayaraq, Azərbaycanda çalışan əcnəbilərin sayı təxminən 13-15 min nəfərdir. Bu isə iş üçün icazə almış şəxslərin sayından 4-5 dəfə çoxdur.
Məqalə müəllifi ilə əlaqə ünvanı: [email protected]