Özbəkistan, Daşkənd, 13 fevral / Trend , muxbir T.Jukov/ Cümə günü Daşkənddə ölkənin 2008-ci ildə sosial-iqtisadi inkişafına və ilin iqtisadi inkişafının vacib prioritetlərinə dair Özbəkistan Nazirlər Kabinetinin iclası olub. Dövlət rəhbərinin mətbuat katibinin Trend -a verdiyi məlumata görə, iclasda Prezident İslam Kərimov öz məruzəsi ilə çıxış edib. "Prezidentin məruzəsində qeyd olunub ki, sosial-iqtisadi inkişaf proqramının ardıcılıqla icrası nəticəsində ölkənin iqtisadi inkişaf tendensiyası artıb və möhkəmlənib. İqtisadiyyat strukturunun diversifikasiyası və modernizasiyası, əhalinin məşğulluğunun və yaşayış tərzinin yüksədilməsi uğrunda müsbət addımlar atılır", - bu barədə hökumətin mətbuat katibi bildirir.
2008-ci ilin yekunlarına görə, ölkənin ÜDM-i 9 faiz, sənaye istehsalı məhsullarını həcmi 12,7 faiz, kənd təsərrüfatı 4,5 faiz, tikinti işləri 8,3 faiz, xidmət 21,3 faiz yüksəlib. Dövlət büdcəsi artıb, inflyasiya səviyyəsi gözlənildiyi kimi olub. Əsas kapitala qoyulan investisiyanın həcmi 28,3 faiz, xarici investisiya və kreditlər isə 71,2 faiz artıb. Sənaye lokallaşdırma səviyyəsinin ardıcıl artırılması nəticəsində bir çox sənayə məhsullarının idxalı azalıb və yaxud tamamilə dayandırılıb. Özbəkistanda kiçik biznes, özəl sahibkarlıq, xidmət sahələri dinamik inkişaf edir. Kiçik biznesin DDM-də çəkisi 48,2 faiz, xidmət isə 45,3 faiz artıb. "Dünya maliyyə böhranının ölkə iqtisadiyyatına təsirini neytrallaşdırmaq üçün dölət antiböhran proqramını reallaşdırmaqda davam edir. İqtisadiyyatın baza sahələrinin, xüsusən ixrac sahələrinin maliyyə-kredit və güzəştli vergilərin verilməsini təmin etmək üçün sistemli tədbirlər görünür",- öz məruzəsində prezident Kərimov vurğulayıb.
Müəlliflə əlaqə saxlamaq üçün elektron ünvan: [email protected]
