...

Gürcüstan prezidenti sığorta şırkətləri rəhbərləri ilə hökumətin yeni təşəbbüsünü müzakirə edib

Biznes və iqtisadiyyat xəbərləri Materials 16 Fevral 2009 18:13

Trend-i buradan izləyin

Gürcüstan, Tbilisi, 16 fevral / Trend , müxbir N.Kirtsxaliya/ Gürcüstan prezidenti Mixail Saakaşvili bu gün sığorta şirkətlərinin rəhbərləri ilə görüşüb. O, əsasən insan sağlamlığının təminatının sığorta sistemində tətbiqinin vacibliyindən danışıb. Prezident bir nəfərin sığorta vəsiqəsinin vaxtının bitməsi səbəbindən həkimlərin ona yardım etməməsi nəticəsində həyatını dəyişən hadisəsini xatırladıb. "Ailə oğlanın müalicəsi üçün her şeyini satdı, ancaq o, öldü", - Saakaşvili deyib.

Prezident qeyd edib ki, hər bir şeyini satan ailə sığorta şirkətinə gəlir. Formal səbəblər üzündən sığorta şirkəti pul ödəməkdən imtina edir və bu da ailənin cavan dul qadının himayəsində qalmasına gətirib çıxardır.

"Burada əlbəttə formal səbəblər ola bilər, ancaq mən ailənin tərəfindəyəm və belə hadisələr çox olub, lakin insanları sığorta ilə xilas etmək hadisələri də baş verib", - o deyib. Saakaşvili qeyd edib ki, poliklinikalarda cəmi 40 lari alan həkimlər də var və onlar vicdanla iş görmək marağında deyillər. "Ona görə biz yeni sığorta paketini irəli sürdük. Bu paket ildə 20 lari ödəməklə 8 min lari dəyərində tibbi yardım almaq imkanı yaradacaq. Baxmayaraq ki, bizdə böhranın təsiri azdır, lakin əhali bunun yükünü daşıyır və biz əhaliyə kömək etmək üçün əlimizdən gələni edəcəyik", - Saakaşvili deyib.

Sığorta şirkətləri ilə şəxsən əməkdaşlıq etməyə hazır olduğunu deyən Saakaşvili deyib: "Biz elə etməliyik ki, ishimizdə korrupsiya, hiylə olmasın. Sığorta şirkətləri insanları aldatmasın və heç kəs özünü alçalmış hiss etməsin.".

Xəbər lenti

Xəbər lenti