Azərbaycan, Bakı, 26 fevral / Trend , müxbir Ü.İsmayılova /
Yanvarda Bakıda Azərbaycanın Daşınmaz Əmlakın Dövlət Reyestri Xidməti tərəfindən daşınmaz əmlak üzərində mülkiyyət hüquqlarına dair 2,41 min qeydiyyat aparılıb. Bu barədə Dövlət Xidmətinin cümə axşamı yayılan məlumatında bildirilir.
Bu rəqəmin 1,26 mini ilkin, 1,14 mini isə təkrar bazara aiddir. O cümlədən, yanvar ayında torpaq sahələri üzərində 420, qeyri-yaşayış binası üzərində 25, qeyri-yaşayış sahəsi üzərində 47, mənzil üzərində 519, fərdi yaşayış evi üzərində 55, bağ evləri üzərində 193, əmlak kompleksi kimi müəssisələr üzərində 3 mülkiyyət hüququna dair qeydiyyat aparılıb.
Həmçinin üzərində hüquqların təkrar qeydiyyatı aparılmış daşınmaz əmlak obyektlərinin isə 228-i torpaq sahəsi, 20-i qeyri-yaşayış binası, 52-i qeyri-yaşayış sahəsi, 708-i mənzil, 99-u fərdi yaşayış evi, 36-ı bağ evi, 5-i əmlak kompleksi kimi müəssisələr olub.
Yanvar ayında Daşınmaz Əmlakın Dövlət Reyestri Xidmətinin Bakı Şəhər Ərazi İdarəsi tərəfindən 291 ipoteka müqaviləsinin dövlət qeydiyyatı aparılıb. 3817 daşınmaz əmlakın texniki pasportu tərtib edilib.
Məqalə müəllifi ilə əlaqə ünvanı - [email protected]
