Azərbaycan, Bakı, 05 mart / Trend , N.İsmaylova /
İqtisad Universitetinin direktoru İsa Alıyev "Ərzaq təhlükəsizliyi qlobal iqtisadi problem kimi" mövzusunda keçirilən seminarda bildirib ki, ərzaq təhlükəsizliyi problemi maliyyə böhranı şəraitində daha da dərinləşib və bu səbəbdən elmi yanaşma yolu ilə həllini tapmalıdır.
İqtisad elmləri doktoru Ağasəlim Ələsgərovun sözlərinə görə, ərzaq təhlükəsizliyi ilə bağlı ölkə iqtisadiyyatı heç bir sıxıntı keçirmir.
Azərbaycanın uzun müddət SSRİ-nin tərkibində olması səbəbindən respublikada ərzaq məhsullarının istehsalında disbalans yaranıb.
"Ərzaq təhlükəsizliyi üzrə dövlət proqramı kənd təsərrüfatı sahəsinin üstünlük təşkil etdiyi strategiyanı nəzərdə tutur. Proqramda sözügedən sahəyə lazımi həcmdə sərmayə yatırımlarından danışılır", - Azərbaycan Milli Məclisinin deputatı Əli Məsimli deyib.
Onun sözlərinə əsasən, ölkənin kənd təsərrüfatı sahəsinə beş-altı il ardıcıl olaraq 500 mln. manat yatırılarsa, on adda kənd təsərrüfatı bitkilərinin istehsal həcmində 8-10% artıma nail olmaq mümkündür.
"Bu cür tədbirlərdən sonra dövlətin fermerlərə yardim göstərməsinə ehtiyac qalmayacaq. Çünki fermerlərin kifayət qədər şəxsi vəsaiti olacaq" , - Məsimli əlavə edib.
Martin 5-nə olan rəsmi məzənnə 0,805 AZN/USD təşkil edir.
Məqalə müəllifi ilə əlaqə ünvanı: [email protected]
