...

Qazaxıstanla Çin arasında mal dövriyyəsi 15 milyarda vaxtından əvvəl çatacaq

Biznes və iqtisadiyyat xəbərləri Materials 1 Aprel 2009 15:40 (UTC +04:00)

Qazaxıstan, Astana, 01 aprel / Trend , müxbir K.Arınova /

Qazaxıstan XİN-in mətbuat xidməti ölkənin Xarici Siyasət İdarəsi rəhbəri Marat Tajinin Çinə səfərini işıqlandıraraq deyib ki, Qazaxıstanla Çin arasında mal dövriyyəsi 15 milyard həcminə vaxtından əvvəl çatacaq.

"Qazaxıstan XİN rəhbəri Tajin səfər çərçivəsində Çin Xalq Respublikasının sədr müavini Si Tsinpin tərəfindən qəbul edilib və çinli həmkarı Yan Çzeçi ilə görüşüb", - mətbuat xidmətinin məlumatında deyilir.

Press-relizdə qeyd olunduğu kimi, Çinin Xarici İşlər Nazirliyində əsas danışıqlar predmeti Qazaxıstan Prezidenti Nursultan Nazarbayevin cari ilin aprel ayında ÇXR-ə planlaşdırılan səfəri olub.

Danışıqlar zamanı tərəflər Çin-Qazaxıstan strateji tərəfdaşlığına dair fikir mübadiləsi aparıblar.

"Tərəflər iki ölkə arasında olan ticarət-iqtisadi əlaqələrin göstəricilərinin artdığını qeyd ediblər. Bundan əlavə, beynəlxalq xarakterli böhrana baxmayaraq tərəflər arasındakı mal dövoiyyəsi xüsusi qeyd olunub. Nazirlər bildiriblər ki, Çin və Qazaxıstan rəhbərliyinin qarşılıqlı ticarət həcminin 15 milyard dollara çatdırılması məqsədi vaxtından tez həllini tapacaq", - məlumatda qeyd olunub.

BMT, Şanxay Əməkdaşlıq Təşkilatı və digər beynəlxalq təşkilatlar çərçivəsində iki ölkə arasında əməkdaşlıq isə ayrıca müzakirə mövzusu olub.

"Tajin Çzeçini gələn il münasib bildiyi vaxtda Qazaxıstana dəvət edib. Dəvət məmnunluqla qəbul edilib", - press-relizdə deyilir.

Məqalə müəllifi ilə əlaqə ünvanı: [email protected]

Xəbər lenti

Xəbər lenti