Azərbaycan, Bakı, 17 aprel / Trend , müxbir Ü.İsmayılova /
Azərbaycan və Latviyanın turizm şirkətləri birgə əməkdaşlıqda fəal olmalıdırlar. Bu barədə Latviyanın xarici işlər naziri Maris Riekstinş bildirib.
"Ölkə hökumətləri bu münasibətlərin inkişafı üçün həm hüquqi, həm də məntiqi bazalar yaradıblar", - deyə cümə günü Bakıda nazir Azərbaycan-Latviya biznes-forumu zamanı bildirib.
Hazırda Latviyadan Azərbaycana və geriyə birbaşa reys fəaliyyət göstərir ki, bu da turistlərin səyahətini əhəmiyyətli dərəcədə sadələşdirir.
Nazir bildirib ki, Azərbaycan və Latviya arasında ənənələr mövcuddur. "Azərbaycan turistləri yay mövsümlərində daha sərin hava şəraiti səbəbindən həmişə Latviyaya səfər edərdilər", - deyə Riekstinş bildirib.
Nazir bildirib ki, Latviya turizm obyektlərinin qiymət siyasəti turistlərin diqqətini cəlb edə bilər.
Azərbaycan Dövlət Statistika Komitəsinin məlumatına görə, 2008-ci ildə Azərbaycanla Latviya arasında mal dövriyyəsi yeddi mln. dollardan çox olub.
Məqalə müəllifi ilə əlaqə ünvanı: [email protected]
