Azərbaycan, Bakı, 06 may / Trend , müxbir Ü.İsmayılova/
"Azərbaycan Sahibkarlar Konfederasiyası (ASK) Macarıstanın İşə Götürənlər və Sahibkarlar konfederasiyası ilə qarşılıqlı anlaşma barədə memorandum imzalayıb", - ASK-nın bu gün yaydığı məlumatda deyilir.
Memorandum macar nümayəndə heyətinin Bakıya səfəri çərçivəsində imzalanıb. Azərbaycan tərəfindən memorandumu Ələkbər Məmmədov, Macarıstan tərəfdən isə Csaba Oroj imzalayıb. İmzalanma mərasimində Macarıstanın Azərbaycandakı səfiri Jeno Boros iştirak edib.
Qarşılıqlı anlaşma barədə memorandum hər iki ölkə sahibkarlarına iqtisadiyyatın müxtəlif sahələrində əməkdaşlıq üçün şəraitin yaradılmasını nəzərdə tutur.
Məqalə müəllifi ilə əlaqə ünvanı: [email protected]