...

2009-cu ildə Hesablama Palatası dövlət proqramları çərçivəsində xərclərin səmərəliliyinin qiymətləndirilməsini aparacaq

Biznes və iqtisadiyyat xəbərləri Materials 8 May 2009 18:58

Trend-i buradan izləyin

Azərbaycan, Bakı, 08 may / Trend , müxbirlər E.İsmayılova, Ü.İsmayılova /

"Azərbaycan Hesablama Palatası (HP) 2009-cu ildə 35 auditor yoxlanışını həyata keçirməyi planlaşdırır", - cümə günü HP sədri Heydər Əsədov deyib.

"Onlar plana uyğun olaraq keçirilir və il ərzində ona əlavə və dəyişikliklər edilmir, - Əsədov bildirib. - Yoxlamalar ölkə başçısının tapşırığı, parlament komissiyalarının tövsiyələri ilə, həmçinin HP-nin auditorları və struktur bölmələrinin analitik və ekspert tədqiqatları əsasında keçirilə bilər".

Onun sözlərinə görə, palata iş planına uyğun olaraq tədbirləri məcburi şəkildə yerinə yetirir, ancaq obyektiv səbəblərdən onların həyata keçirilməsində bəzi gecikmələr ola bilər.

Bu il yoxlamalar əsasən vəsaitlərin dövlət proqramları çərçivəsində məqsədyönlü istifadəsinə nəzarət məqsədilə həyata keçiriləcək.

"Səhiyyə və Gənclər və İdman nazirliyində yoxlamalar onların maliyyə-təsərrüfat fəaliyyətinə deyil, proqramların həyata keçirilməsinə aid ediləcək", - Əsədov qeyd edib.

"Yoxlamalar maliyyə-təsərrüfat fəaliyyəti deyil, proqramların həyata keçirilməsi gedişinin öyrənilməsi məqsədilə aparılır", - Əsədov deyib.

HP 2009-cu ildən etibarən dövlət vəsaitlərinin məqsədəuyğun xərclənməsinin qiymətləndirilməsini nəzərdə tutan yoxlamaların miqyasını genişləndirib. Dövlət proqramlarının yerinə yetirilməsinin auditi zamanı HP xərclərin səmərəliliyini qiymətləndirməyə başlayıb. Palata bunu özünün hazırladığı indikatorlar vasitəsilə həyata keçirib, çünki dövlət orqanları üçün səmərəlilik meyarı hələ müəyyən edilməyib. 

HP səmərəlilik auditinin keçiriləcəyi sahələri genişləndirməyi planlaşdırır. Bununla əlaqədar olaraq müxtəlif sahələrdə səmərəliliyi xarakterizə edən meyarlar müəyyən ediləcək. Bu təcrübə auditin beynəlxalq standartlarında mövcuddur.

2008-ci il ərzində HP 33 audit yoxlaması keçirib. 2007-ci ildə bu rəqəm cəmi 3 olub.

Azərbaycan HP 2001-ci ilin dekabrında ölkə parlamenti tərəfindən yaradılıb. O sədr, sədr müavini və parlamentin təyin etdiyi HP üzvü olan yeddi auditordan ibarət olmalıdır. HP üzvlərinin səlahiyyət müddəti yeddi ildir.

Məqalə müəllifi ilə əlaqə ünvanı: [email protected]

Xəbər lenti

Xəbər lenti