...

Yanvar-apreldə manatın nominal effektiv kursu ümumi ticarət dövriyyəsində altı faiz artıb

Biznes və iqtisadiyyat xəbərləri Materials 10 İyun 2009 16:58 (UTC +04:00)

Azərbaycan, Bakı, 10 iyun / Trend , müxbir N.İsmayılova /

Manatın nominal effektiv kursu (NEK) 2009-cu ilin yanvar-aprelində ümumi ticarət dövriyyəsində 6 faiz, ixracatda 4,8 faiz, idxalatda 7,4 faiz artıb, çərşənbə günü Azərbaycan Mərkəzi Bankından bildiriblər.

AMB-nin hesablamalarına görə, 2008-ci ilin sonlarına nisbətdə yanvar-apreldə NEK neft sektoru üzrə ümumi ticarət dövriyyəsində 9,3 faiz, ixracatda 11,6 faiz, idxalatda 8,7 faiz artıb.

2009-cu ilin yanvar-aprelində 2000-ci ilin dekabrına nisbətdə xarici ticarətdə manatın NEK-i (neft sektorunu hesaba almaqla) 6,2 faiz, idxalatda 19,7 faiz bahalaşıb, ixracatda isə 2,7 faiz azalıb. Qeyri-neft sektorunda manatın NEK-i ümumi ticarətdə 28 faiz, idxalatda 25,3 faiz, ixracatda 43,8 faiz artıb.

İyunun 10-na olan rəsmi məzənnə 0,8037 AZN/USD təşkil edir.

Məqalə müəllifi ilə əlaqə ünvanı: [email protected]

Xəbər lenti

Xəbər lenti