Azərbaycan, Bakı, 10 iyun / Trend müxbir N.İsmayılova/
Azərbaycan Mərkəzi Bankının (AMB) məlumatına görə, neft sektorunu nəzərə alaraq, 2009-cu ilin yanvar-aprelində manatın ölkənin xarici ticarət tərəfdaşlarına münasibətdə real effektiv kursu (REK), 2008-ci ilin dekabrında nisbətdə ümumi ticarət dövriyyəsində 1,8 faiz, idxalda 2,4 faiz və ixracda 1,2 faiz bahalaşıb", - AMB-dən bazar ertəsi deyilib.
Keçirilən tədqiqatlar, həmçinin onu göstərdi ki, Türkiyənin bu dövrdə REK-in artımına təsiri 0,9 faiz, Rusiya - 10,3 faiz, Qazaxıstan - 19,1 faiz, İsrail - 4,9 faiz, Yaponiya - 6,9 faiz səviyyəsində olub. Eyni zamanda ABŞ-ın kursun azalmasına təsir səviyyəsi 2,7 faiz, Avropa Zonası - 0,1 faiz, İngiltərə - 1,3 faiz, Ukrayna - 5,7 faiz, Gürcüstan - 1,8 faiz, İran - 3,5 faiz, Çin - 2,8 faiz olub.
Yanvar-aprel aylarında qeyri-neft sektorunda REK 2008-ci ilin dekabrına nisbətdə ümumi ticarət dövriyyəsində 3,5 faiz, idxalda 3,2 faiz və ixracda 5 faiz bahalaşıb.
Qeyri-neft sektorunda bu dörd ay ərzindəki REK-in 2000-ci ilin dekabrına nisbətdə artım tempi (qeyri-neft sektoru nəzərə alınmamaqla) ümumi ticarət dövriyyəsində 18 faiz, idxalda - 21,5 faiz, ixracda - 1,9 faiz olub. Qeyri-neft sektorunun nəzərə alınması ilə kurs müvafiq olaraq 24 faiz, 24,1 faiz və 23,9 faiz artıb.
Manat nominal şəkildə Çin valyutasına nisbətdə ucuzlaşıb. Real şəkildə isə türk, rus, qazax, yapon və israil valyutalarına nisbətdə möhkəmlənib.
İyunun 10-na olan rəsmi məzənnə 0,8037 AZN/USD təşkil edir.
Məqalə müəllifi ilə əlaqə ünvanı: [email protected]
