Gürcüstan, Tbilisi, 11 iyun / Trend , müxbir N.Kirtsxaliya /
Gürcüstanda Zuqdidi istiqamətində dəmiryol əlaqəsi bərpa edilib. Zuqdidi dəmiryolu stansiyasında partlayışdan sonra, gecə ərzində və indiyə qədər davam edən bərpa və istehkam işləri aparılıb.
Partlayışlar seriyası gecə baş verib. Birinci partlayış Zuqdidi dəmiryolu stansiyasında 23:30-da baş verib - yük vaqonu partlayıb. Sonra stansiyada zibil qabı, üç saat sonra isə kombinatın şəhərciyində "MAZ" markalı avtomobil partlayıb.
İyunun 2-də Xobi-Zuqdidi dəmiryolunda iki partlayış baş vermişdi. Heç kim xəsarət almamışdı. O zaman dəmiryolunun 12 metrlik hissəsinə zərər dəymişdi.