Azərbaycan, Bakı, 11 iyun / Trend , müxbir Ü.İsmayılova /
Azərbaycanın böyük lizinq şirkətlərindən biri "Unileasing" ilin əvvəlində avtolizinqin kəskin düşməsi və ölkədə avtomobil bazarındakı azalma səbəbindən lizinqin bu növünün bərpasına hazırlaşır. Bu barədə cümə axşamı şirkətin məlumatında deyilir.
"Şirkət avtolizinqi may ayının sonuna kimi planlaşdırmışdı, lakin bu müddət hazırlama işləri səbəbindən ertələnib", -deyə şirkətdən bildirilib.
Mənbədən bildirilən məlumata əsasən, şirkət 2008-ci ilin senyabrında "Unileasing" üçün 2,5 milyon dollar həcmində uzunmüddətli kredit xəttini bəyənən US Eximbank kredit xətti üzrə yalnız ABŞ istehsalı olan avtomobillər üçün avtolizinq təqdim edir.
2008-ci ilin ikinci yarısından etibarən Azərbaycanda avtomobil bazarında əhəmiyyətli dərəcədə azalma müşahidə olunub, bu isə bazarda qiymətlərin düşməsinə səbəb olub. Bazardakı azalma ölkənin kommersiya bankları tərəfindən istehlak kreditlərinin verilməsinin dayandırılması nəticəsində baş verib.
2004-cü ildən etibarən fəaliyyət göstərən "Unileasing" QSC-nin ödənilmiş kapitalı 1,8 milyon manat təşkil edir. Şirkətin təsisçisi UniBank-dır. Şirkətin səhmdarları sırasına kapitalda 33,33 faiz payla Avropa Yenidənqurma və İnkişaf Bankı daxildir.
İyunun 11-nə olan rəsmi məzənnə 0,8039 AZN/USD təşkil edir.
Məqalə müəllifi ilə əlaqə ünvanı: [email protected]