Azərbaycan, Bakı, 21 iyul / Trend , müxbir N.İsmayılova /
Dünya Bankı (DB) 2010-cu ildə Azərbaycanda beşdən çox olmayaraq yeni layihənin reallaşdırılmasına icazə verməyi planlaşdırır. Bu barədə çərşənbə axşamı bankın Bakı ofisinin rəhbəri Qreqori Yedjeyçak deyib.
"Hökumət hələ rəsmən 2010-cu ilə layihələr təqdim etməyib. Lakin proqnozumuza görə, beşə qədər layihənin reallaşdırılması təxmin edilir", - Yedjeyçak deyib.
Onun sözlərinə görə, bu il bank yalnız iki layihənin reallaşdırılmasına başlayıb, keçən il isə bu rəqəm 11 idi.
"Bankın bu pulları nə dərəcədə maliyyələşdirə biləcəyini, həmçinin ölkənin onları işlətmək bacarığına malik olmasını nəzərə almaq lazımdır. Üstəlik, yetərli sayda layihələr implementasiyasını gözləyir. Həmçinin hansı layihəyə nə qədər vəsait ödəmək lazım olduğunu da müəyyən etmək lazımdır", - Yedjeyçak deyib.
Bundan savayı, sentyabrda qəbul edilmiş, lakin reallaşdırılmasına hələ başlanmamış kreditlərə görə bank portfelinin nəzərdən keçirilməsi gözlənilir.
Dünya Bankının Azərbaycan hökuməti ilə əməkdaşlıq proqramının həyata keçirilməsinə ölkənin DB-yə üzv olduğu 1992-ci ildən başlanılıb. Bu müddətdə 2,7 milyard dollar məbləğində 52 layihə maliyyələşdirilib.
Məqalə müəllifi ilə əlaqə ünvanı: [email protected]