Türkmənistan, Aşqabad, 05 avqust / Trend , müxbir H.Həsənov /
Türkmənistan hökuməti "Boeing" aviatikinti korporasiyasına Boeing-737-700 markalı üç təyyarə sifariş verib. Bu barədə çərşənbə günü "Türkmənhavayolları"nın məlumatında deyilir.
Türkmənistanın "Boeing"-lə uzunmüddətli əsas müqaviləsi var.
120 milyon dollarlıq yeni sifariş Türkmənistan Prezidenti Qurbanqulı Berdımuhammedovun qərarından sonra rəsmiləşəcək.
Boeing-737-700 modifikasiyası 149 sərnişinin daşınmasına, 5000 km-lik məsafəyə, saatda 900 km-lik kreyser sürətinə hesablanıb.
Müasir hava gəmiləri parkının genişləndirilməsi üzrə uzunmüddətli proqrama Berdımuhammedovin bu yaxınlarda ölkənin aviasiya idarəsinə ziyarəti zamanı toxunulub.
Məqalə müəllifi ilə əlaqə ünvanı: [email protected]
