Azərbaycan, Bakı, 20 avqust / Trend , müxbir Ü.İsmayılova /
Bakıda yeni, şəhərin mərkəzindəki Füzuli küçəsində yerləşəcək "qış bulvarı"nın inşasına bu ərazidə yaşayan sakinlərin köçürülməsindən sonra başlanacaq. Bu barədə cümə axşamı Dövlət Şəhərsalma və Arxitektura Komitəsinin Beynəlxalq əlaqələr və informasiya şöbəsinin rəhbəri Cahangir Qocayev deyib.
"Sakinlərin köçürülməsi işini bu prosesdə problemlə üzləşən Bakı Şəhər İcra Hakimiyyəti həyata keçirir", - Qocayev deyib.
"Yeni bulvar Bakının 1987-ci ildə təsdiq olunmuş baş planına əsasən paytaxtın Dəmiryol vağzalından Azərbaycan Akademik Dram Teatrına qədər olan ərazidə yerləşməliydi", - bir müddət əvvəl Qocayev bildirmişdi.
Onun sözlərinə görə, yeni layihə köhnə layihədən fərqlənəcək. Hazırda şəhərdə infrastrukturların, yaşayış evlərinin və digər tikililərin inşasında ciddi dəyişikliklər baş verib.
Qocayevin sözlərinə görə, "qış bulvarı küləkdən qorunacaq", çünki Bakı bulvarında qışda güclü külək və yüksək rütubətə görə gəzmək mümkün deyil. Şəhərin "qış bulvarı" yerləşən ərazisi güclü küləkdən qorunacaq.
Dövlət Komitəsi artıq qış bulvarının inşasına hazırlıq üzrə müsabiqə elan edib və hazırda arxitekturlar tərəfindən müvafiq layihələrin təqdim olunması gözlənilir. Sonra təqdim olunmuş layihələr Azərbaycan Arxitekturlar İttifaqında müzakirə ediləcək və təsdiqi üçün ölkə prezidentinə təqdim olunacaq.
Hacıyevin sözlərinə görə, Dövlət Komitəsinə hələ ki, təklif daxil olmayıb.
İnşa işlərinin başaçatma müddtəi və layihənin realizəsinə lazım olan investisiyaya gəlincə Qocayev deyib ki, hər şey təkliflərdən asılı olacaq.
"Düşünürəm ki, bulvarın inşasına yaxın iki il ərzində başlanılacaq, - Qocayev deyib. - Ölkə prezidentinin 2006-cı ildə imzalanmış Bakının abadlaşdırılması üzrə sərəncamı ilə əlaqədar olaraq, Heydər Əliyev sarayından Füzuli meydanına qədər ərazidə artıq sakinlərin köçürülməsi və orada yerləşən, normal həyat şəraitinə uyğun gəlməyən evlərin sökülməsi işi başlayıb".
Məqalə müəllifi ilə əlaqə ünvanı: [email protected]
