Azərbaycan, Bakı, 22 avqust / Trend , müxbir Ü.İsmayılova /
Yanvar-iyulda Azərbaycana MDB ölkələrindən 992,36 milyon dollarlıq mal idxal olunub ki, bu, ölkənin ümumi idxalının 30,65 faizini təşkil edir. Bu barədə şənbə günü Dövlət Gömrük Komitəsindən məlumat verilib. Bu dövrdə respublikaya 2,71 milyard dollarlıq maıl gətirilib.
MDB-dən Azərbaycana taxıl məhsulları (ümumi idxaldan 13,82 faiz), quru nəqliyyat vasitələri (8,09 faiz), elektrik maşınları, avadanlıqlar və onların ehtiyat hissələri (12,08 faiz), tütün və tütünəvəzləyiciləri (6,76 faiz) və s. gətirlib.
Azərbaycandan MDB ölkələrinə 835,93 milyon dollar (ümumi ixracdan 11,71 faiz) məbləğində mal ixrac olunub. Ölkənin ümumi ixracı 7,14 milyard dollar təşkil edib.
MDB ölkələrinə əsasən, mineral yanacaq, neft məhsulları, bitum mineralları (ümumi ixracdan 59,53 faiz), tərəvəz (5,57 faiz), heyvan və bitki yağları (8,34 faiz), şəkər tozu və qənnadı məmulatları (4,62 faiz), qayıq, gəmi və digər üzən vasitələr (3,83 faiz) və s. ixrac olunub.
MDB ölkələri ilə idxal-ixrac əməliyyatları üzrə 156,43 milyon dollar məbləğində mənfi saldo yaranıb.
Məqalə müəllifi ilə əlaqə ünvanı: [email protected]
