Azərbaycan, Bakı, 02 sentyabr / Trend , müxbir E.İsmayılov /
Bakı metroploiteni Rusiyanın "Metrovaqonmaş" ASC-nin istehsalı olan 10 yeni vaqon alıb. Bu barədə çərşənbə günü metropolitendəki mənbədən məlumçat verilib.
"Rusiya istehsalı olan 10 vaqon artıq alınıb, qalan 5 vaqon isə yaxın zamanlarda alınacaq", - mənbə dən deyilib. Ümumilikdə, bu il Bakı metropoliteni "Metrovaqonmaş" ASC istehsalı olan 15 vaqon almağı palnlaşdırır.
Azərbaycana metro vaqonları sonuncu dəfə 2008-ci ildə tədarük olunub. O zaman Bakı metropoliteni 35 vaqon alıb. 2007-ci ildə Bakı metropoliteni 25 vaqon gətirib.
"Metrovaqonmaş" zavodu artıq 30 ildən çoxdur ki, Bakı metropolitenini bütün növ dəmiryol nəqliyyatı vasitələri ilə təchiz edir. Moskvaətrafı müəssisələrdə istehsal olunan voqanlar onun parkının təxminən 80 faizini təşkil edir.
Bakı metropoliteni 1967-ci ildən etibarən fəaliyyət göstərir ("İçərişəhər" stansiyasından "Nəriman Nərimanov" stansiyasına kimi üç aralıq stansiyası ilə). Metropolitenin yeddi stansiyası ("İçərişəhər", "Sahil", "28 May", "Cəfər Cabbarlı", "Xətai", "Nizami Gəncəvi", "Elmlər Akademiyası") dərində yerləşir, "Bakmil" yerüstü, qalanları isə sütunludur, dayazda yerləşir (cəmi 21 stansiya). Həmçinin ilin sonunadək 22-ci - "Azadlıq" stansiyasının istismara verilməsi planlaşdırılır.
Məqalə müəllifi ilə əlaqə ünvanı: [email protected]