Azərbaycan, Bakı, 14 sentyabr / Trend , müxbir N.İsmayılova /
Azərbaycan Mərkəzi Bankının bəyanatına uyğun olaraq ölkənin 2009-cu ilin yanvar-iyun ayları üzrə ödəmə balansının cari əməliyyatlar hesabatının profisiti 4,5 milyard dollar təşkil edib. Bu da xarici ticarətin müsbət saldosunu 1,7 dəfə azaldıb.
Sektorlar üzrə ödəmə balansının analizi göstərir ki, əvvəlki ilin birinci yarısında xarici ticarət əməliyyatı neft qaz sektorunda müsbət, qeyri-neft sektorunda isə mənfi saldo olub.
Cari ilin birinci yarısı üzrə xarici ticarət dövriyyəsinin ümumi həcmi 11,8 milyard dollar, xarici ticarət balansının müsbət saldosu isə 5,6 milyard dollar təşlkil edib. Bununla yanaşı, idxal edilən mallar 2,9 milyard dollar, ixrac edilən mallar isə 8,8 milyard dollar olub.
Hesabat dövrü ərzində 120 ölkə ilə ticarət əlaqələri qurulub. Ticarət dövriyyəsindən 11,6 faiz MDB ölkələrinin, 88,4 faizi isə digər xarici ölkələrin payına düşür. İntensiv ticari əlaqələr ABŞ, İsrail, Rusiya, Fransa, Almaniya, Böyük Britanitya, Çin və İndoneziya arasında olub. Azərbaycanın idxal-ixrac əməliyyatlarından onların payına 70,8 faiz düşür.
Məqalə müəllifi ilə əlaqə ünvanı: [email protected]
