Azərbaycan, Bakı, 24 sentyabr / Trend , müxbir E.İsmayılov /
"Azərbaycan Dəmir Yolları" QSC Bakı-Abşeron istiqaməti üzrə II Zabrat-Qala məntəqəsində elektrik dəmiryolu xəttlərinin demontajını başa çatdırıb, bu barədə cümə axşamı QSC-nin mətbuat xidmətinin rəhbəri Nadir Əzməmmədov bildirib.
"Bu dəmiryolu xəttlərinin demonatj işləri artıq başa çatıb, yol tamailə sökülüb", - o bildirib.
Əzməmmədovun əvvəlcədən bildirdiyi kimi, bu dəmiryolu xəttinin sökülməsindən sonra onun yerində avtomobil yolu inşa ediləcək. Demontaj işləri avqustun 12-dən başlayıb.
30 kilomter uzunluğundakı birzolaqlı dəmiryolu xətti II Zabrat -Maştağa -Bağlar -Buzovna - Zuqulba - Sahil -Mərdakan - Qala tədricən sökülüb. Bu xəttin sökülməsindən sonra yuxarı tikilinin materialları ilk növbədə Zazalı-Gəncə, birzolaqlı Heybət-Biləcəri və ikizolaqlı Güzdək-Xırdalan xəttinin kapital təmiri zamanı istifadə ediləcək.
Məqalə müəllifi ilə əlaqə ünvanı: [email protected]