Azərbaycan, Bakı, 15 oktyabr / Trend , müxbir Ü.İsmayılova/
Azərbaycanın Standartlaşdırma, Metrologiya və Patent üzrə Dövlət Komitəsi "Ocaq Pro" QSC-nin məhsullarının istehsalı və satışına qadağa qoyub, cümə axşamı günü komitədən məlumat veriblər.
Süd məhsulları istehsalçısı olan "Ocaq Pro" QSC Bakının Binəqədi rayonu ərazisində yerləşir.
Mərkəzi laboratoriyada aparılan analizlərin nəticələrinə əsasən, "Ocaq Pro"nun istehsal etdiyi xama və ayran fiziki-kimyəvi göstəricilər üzrə normativlərə, qatıq isə mikrobioloji göstəricilər üzrə normativlərə uyğun gəlmir.